Laudio Ikastolak 7. Orientazio Akademiko eta Profesionalerako Azoka egingo du urtarrilaren 20an, “Ametsak egia bihurtuz” lemapean 15:30etik 19:00ak bitartean. Hainbat unibertsitate eta Lanbide Ikastetxeetako informazioa eskuratzeko aukera eskainiko du. Ikastolako DBH4 eta Batxilergoko 1. eta 2. mailako ikasle eta gurasoez gain, eskaintza horren inguruan interesa izan dezakeen eskualdeko edonori irekita egongo da azoka. Unibertsitateak eta LH ikastetxeak Informazio guneak 15:30ean zabalduko dira, norberak behar duen informazio pertsonalizatua eta nahiago duen hizkuntzan eskuratu dezan. 16:15etik aurrera Unibertsitate eta Lanbide Heziketa ikastetxeek euren eskaintza azalduko dute. Besteak beste, Deustuko Unibertsitatea, Mondragon Unibertsitatea, Nafarroako Unibertsitatea, CESINE, Andra Mari Irakasle Eskola, Ikastolen Elkartea, Laudioko Lanbide Heziketa eskola eta Ikaslan eta Hetel egongo dira.
Tenplua irekita dagoenean bisita daiteke. Jaigunetan 11:30etatik 12:30etara. Edo aurretik deituta.