Artziniegako eta Gordexolako Udalak Arabako eta Bizkaiko Foru Aldundiarekin elkartu ziren atzo BI-2604 errepidean daukaten segurtasun arazoa lantzeko. Izan ere, bertako irtenguneek larrialdietan sortzen dituzten eragozpenak salatu zituen Mateo Lafraguak.
Arabako Foru Aldundiak hurrengo proposamena egin du, hiru fasetan banatuta:
1. fasea: Abiadura murrizteko existitzen diren gailuak dagoen araudira egokitzea.
2. fasea: Gordexolako hirigunearen amaieraren (19+300 kilometro-puntua) eta Arabako mugaren artean dagoen zatian jarduketak egitea ibilgailuen abiadura murrizteko eta oinezkoen konektibitatea hobetzeko.
3. fasea: Aurreko faseak eraginkorrak direla egiaztatu ondoren, abiadura murrizteko gailuak ordezkatuko dira eta alertako zeharkako bandak jarriko dira zati horretan, bai eta abiadura kontrolatzeko neurri gehigarriak ere.
Atzoko hitzorduaren ostean, erakundeek dena aztertu eta, ados egonez gero, egikaritzeko eredua adostu behar dute.
.jpg)
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide