09:30 “Emakumea eta buru gaixotasuna” hitzaldia Alicia García Santosen eskutik (Genero Berdintasuneko Aholkularia) eta Fedeafes-en txostenaren aurkezpena; buru gaixotasuna duten emakumeen aurkako bortizkeriari buruzkoa. María José Cano Fedeafesen gerenteak egingo du. Herriko plazako erabilera anitzeko aretoan izango da.
Urriaren 20an, 21ean eta 22an ospatuko dute Aiarako zenbait herritan Euskararen Asteburua; Luiaondon, Arespalditzan eta Izorian, alegia. Edonola ere, aiararrak ez ezik, bi pertsonaia izango dira aurten protagonistak; Ahobizi eta Belarriprest.Urriaren 20an, ostiralean, biek parte hartuko dute Otueta Gizarte Etxean egingo den solasaldian 19:00etan. Berez, euskararen erabilerarako aktibazio kanpaina aurkeztuko dute Belarriprestek eta Ahobizik. Eurekin Asier Lafuente egongo da, Aguraingo esperientzia azaltzeko esparru horretan. 19:30ean Luiaondoko frontoian hasiko da DJ Xaiborren dantzaldia.
Jarduera hau, Amurrioko Udalaren Gazte Enplegu Planak diruz lagundua, ReforAmuriro Enpresaldean egingo da lau asteazkenetan, 18:00etatik 20:00etara. Lau saio gidatu egingo dira: lau coachek, saiootan, enplegu-bilaketaren prozesuari ekiteko eta prozesu hori sormenez gauzatu eta nahi den enplegua lortzeko baliabide oso erabilgarriak azalduko dituzte. Jorge Ortiz de Urtaranek piluletako lehenengoa gidatuko du, urriaren 18an: “¿Y ahora por qué no? Si trabajamos un tercio de nuestro día… Mejor hacerlo en algo que realmente nos guste” (Eta orain zergatik ez? Gure egunaren herena lanean igarotzen badugu... Hobe benetan gustatzen zaigun zerbaitetan jardun). Bigarren saioa, urriaren 25ean, Sergio Ezpeleta kirol arloko coachak gidatuko du, eta emozioak kudeatzen ikasteko dinamikak eta tresnak landuko ditu. Haren beraren hitzetan: “Zeu zara zure bizitzan agintzen duen bakarra; erabaki nor izan nahi duzun”. Hirugarren saioan, azaroaren 8an, Atlantako 96ko Jokoetan urrea eraman zuen gimnasta olinpiko bat arituko da hizlari: Estibaliz Martinez. Urrea lortu ostean, kirol-ibilbidea utzi behar izan zuen lesio baten ondorioz. Martinezek, bere esperientzian oinarrituta, bizitzaren aldaketetara optimismoz eta jarrera onez moldatzearen garrantzia azalduko du. Azkenik, Aitor Carmonak, azaroaren 15ean, “Tu actitud cuenta más que tu currículo” (Zure jarrera zure curriculuma baino garrantzitsuagoa da) izeneko saioan, lan-merkatura arrakastaz sartzeko eskuragarri ditugun baliabideak deskubrituko dizkigu. Saio hauen guztien helburua da parte-hartzaileak ahalduntzea eta nahi dugun lana lortzeko eskura ditugun askotariko tresna baliotsuak erakustea. Izan ere, ahal dela sinestea, ahal izateko lehen urratsa da. Saio hauek enplegu bila dabiltzan edo lan-munduaren aldaketei aurre egiteko motibazioa lortu nahi duten pertsonentzat antolatu dira; bereziki, kalitatezko lehen enpleguaren bila dabiltzan gazte amurrioarrentzat. Informazio gehiago jasotzeko eta izena emateko, jarri harremanetan Amurrio Bidean-ekin, 945891721 telefono-zenbakira deituta edo empresa@amurriobidean.org helbidera idatzita.
Oinarrizko produktu eta elikagaiak jasoko dituzte herriko supermerkatuetan, hala nola: olioa, lekaleak, arroza eta pasta.