Ekainean hasi den indusketa fase berriarekin batera, Ermuko Andra Marin uztailean ere bisita antzeztuak egingo dituzte. Hitzorduak izango dira 7an, 15ean eta 21ean gazteleraz eta 8an, 14an eta 22an euskaraz. Guztiak 19:30ean. Sapo Producciones antzerki taldeak taularatuko ditu egindako aurkikuntza arkeologikoak. Parte hartzeko ezinbestekoa izango da aurretik Kultura Etxean izena ematea edo 944 03 49 20 telefono zenbakira deitzea.
Badatoz Laudioko Gaztelekuak antolatutako Udagazte Herri Udalekuak, 10-16 urte bitarteko gazteei bideratutak (LH5- DBH4) “Gazteok erabaki, gazteok eraiki” lemapean gazteek bere udalekua moldatuko dute. Horretarako, guztien artean zer ekintza eta irteera egingo dituzten erabakiko dute: Mendi-irteerak, musika, dantzak, txangoak, jolasak, eskulanak, igerilekuak, sukaldaritza, artea, gazte olinpiadak, euskara, ginkanak, orientazioa... Udalekuak astelehenetik ostiralera 10:00etatik 13:00etara izango dira. Bi txanda eskainiko dituzte, txanda bakarrean zein bi txandetan izena emateko aukera dago. Txandak uztailaren 2tik 13ra eta uztailaren 16tik 27ra izango dira. Bakoitzak 5 euroko prezioa izango du. Informazio gehiago nahi izatekotan, goizez Udaleko Gazteria Arloan eta arratsaldez Gaztelekuan bertan eskatu daiteke: 94 403 48 50 edo 94 403 85 83 telefonoetan. Lekuak mugatuak izango dira eta izen-ematearen ordena jarraituko dute.