Aspaltza Euskara Elkarteak ludoteka antolatu du berriro azaroaren 2an, 10:00etatik 13:00etara. 2 eta 5 urte bitarteko haurrentzat izango da. Ludoteka honetan eskulanak, jolasak, marrazkiak eta beste hainbat ekintza burutuko dira. Prezioa 4 eurokoa da. Izen-emateak emailez aspaltza@hotmail.com egingo dira; mezuan, datu pertsonalak adierazi beharko dira. Urriaren 26a baino lehen burutuko dira. Udal elkarte honek urte osoan antolatzen ditu ludotekak haurrentzat euskarazko ekintzak sustatuz. Helburua txikitatik jolas giroan euskararen erabilera sustatzea da.
Herriaren pilota klubak antolatuko du berriro Euskadiko Federazioaren Elite kategoriako 4 ½ko Torneoa, Euskal Herriko 8 pilotari onenen partaidetzarekin.Urritik urtarrilaren 19ra arte ostiralero, 19:00etan, pilota partidak egongo dira Aretako frontoian. Lehiaketa osatuko dute Herriaren Torneoko Eskuz Binakako bi norgehiagokekin promes eta senior kategorietan.Finala azaroaren 30ean izango da EITBko kamaren aurrean.
APILLek antolatuko du Laudioko IX. Ibilbide Mikologikoa urriaren 31tik azaroaren 4ra bitartean udalaren laguntzaz.Bost egun horietan onddoak eta zizak izango dira protagonistak tabernetako barretan. 23 proposamen ezberdin dastatzeko aukera egongo da; 16 pintxo eta 7 kazolatxo, parte hartuko duten 18 establezimendutan.Bezeroek parte hartu ahal izango dute balorazio herrikoian. Horretarako, eskuratu beharko dute ibilbideko orria eta, gutxienez, 6 tabernetan zigilatu, bat herriko kanpoko aldean.Jasotako bozken artean zozketatuko dute Saloura bidaia mantenu osoarekin bi lagunentzat denboraldi behean, eta 3 menu mikologiko herriko jatetxeetan bi pertsonentzat 60 eurotan baloraturik. Sari banaketa eta zozketa egingo dituzte azaroaren 7an 18:30ean Zubiko Etxean.
5 urteren ostean, “Miradas encontradas” erakusketaren ondoren, 12 margolarik osatutako taldeak eskainiko du “Miradas nuevas” lana. Bisitatzeko aukera egongo da azaroaren 2tik 18ra Laudioko Kultura Etxean, Lamuza parkean, astelehenetik larunbatera 11:30etatik 13:30ak arte eta 18:00etatik 20:00ak arte. Igandetan, ordea, 11:30etatik 13:30ak arte. Bisita gidatuak ostiraletan 19:00etan izango dira. Herriko ikastetxe guztiek bisitatuko dute eskola-orduetan.