Ruperto Urquijoren jaiotze data baliatuta, Laudio Institutuko ikasleek 'Luciano y Clara' obra abestuko dute martxoaren 27an 11:00etan musikariaren estatuaren aurrean. Omenaldi horretan Arloteek ere parte hartuko dute. Gainera, martxoaren 30ean meza egongo da bere omenez 12:00etan Lamuzako San Pedro elizan.
48ko uzta elkarteak Maria Angeles Arbaizagoitia Telleria omenduko du martxoaren 27an 13:00etan Erabilera Anitzeko udal aretoan. Hizlaria Juanjo Salazar izango da. Gainera, talde horrek Biarritzera irteera egingo du apirilaren 6an. Parte hartzeko 48 euro sartu beharko dira Laboral Kutxako ES35 3035 0045 23 0451169796 kontu zenbakian martxoaren 30a baino lehen, izena eta bi abizenak adierazita.
Jon Cadierno Geografian eta Lurralde Antolamenduan lizentziadunak eskainiko du hitzaldia.
Floro Urquijo pintura elkarteak obren erakusketa antolatuko du martxoaren 15etik 29ra Kultur Etxean. Lanak ikusgai egongo dira 15ean, 20an, 21ean, 22an, 25ean, 26an, 27an, 28an eta 29an 18:00etatik 20:30ak arte.
Aiarako Udalak "Jolas Txokoak" programaren edizio berria prestatu du Aste Santurako. Horrela, 2007. eta 2015. urte bitartean jaiotako umeek izena emateko aukera izango dute martxoaren 29ra arte. Berez, apirilaren 23tik 26ra arte izango dira tailerrak 10:00etatik 13:30ak bitarteko ordutegian eta tailerrak zein jolasak landuko dituzte egun horietan guztietan Arespalditzan eta Luiaondon. Izena emateko orria bete beharra dago eta Aiarako Udaletxean laga edo info@aiarakoudala.eus bidali. Informazio gehiago eskatu daiteke 945 39 90 13 telefono zenbakian. Haur baten inskripzioak 16,8 euro balioko du, familia berean bik ematen badute izena 30,8 euro izango da prezioa guztira, 3 anai arreba badira 42 euro ordainduko dituzte gurasoek eta familia ugaria bada, 14 euro kide bakoitzeko.