Otsailak 19, asteazkena 18:30 Kasinoa Herritarrentzat Euskara Sarrera: Librea edukiera bete arte Emakume bat eroetxe bateko gela batean dago, bakarrik, aulki batean eserita eta kamaraz inguratuta, ikusten ez dugun doktore batekin hizketan. Emakumea prostituta da, eta elkarrizketan bere istorioa azalduko du. Horrela, hainbat gai azaleratuko dira, esate baterako, sexualitatea, bortizkeria, klasismoa eta feminismoa. Gure apustua minimalista da: kamera bat, aulki bat eta emakume bat eszenatoki gainean. Giro lizun eta garratza sortzeko maximarekin, gorputza taula gainean mugitzen duen bitartean, bertan ez dagoen mediku bati zuzentzen dio bakarrizketa, bai eta eszenan, gorputzaren sinpletasunaren aurrean, gatibu geratzen diren ikusleei ere. Itxita egotearen sentsazio hori umorearen bidez orekatzen da, ikusleek baltsamo gisa erabiltzen duten tresna baita umorea.
Faktoriako Margo Eskolako ikasleek beraien proiektu pertsonala landu dute plastikoki Gurene Granderen laguntzarekin. Hiru hilabeteetan ikasi eta praktikatutako akuarela tekniken emaitzak ikusgarri izango dira, hilabetez egongo den erakusketa batean. Margotzearen praktikan dabilen eta egon nahi duenarentzat esperientzia koloretsua. Zatoz eta batu margolarien sarera, gogotsu gaude saretze lanetarako eta. Otsailak 27an Saio Ireki batean bizitako ikaskuntzak partekatuko dituzte.