Aiarako emakume baserritarrek Arabako errezeta tradizionalak biltzen dituen liburuan parte hartu dute

Liburuak Las mujeres rurales alavesas a través de sus recetas du izena, eta Arabako Nekazari eta Abeltzainen Elkarteak (UAGA) argitaratu du. UAGA sindikatuak hainbat kafe-tertulia eta errezetak berreskuratzeko ikastaro antolatu ditu urtean zehar, eta errezeta-liburua lan-saio horien emaitza da.

Ikastaroak Laura Muñoz sukaldariak, Trebiñuko Torre herriko Urgora jatetxeko jabeak, eman ditu, eta bera arduratu da errezetei ikuspegi berritzailea eman eta liburua atontzeaz.

Liburuak Las mujeres rurales alavesas a través de sus recetas du izena, eta Arabako Nekazari eta Abeltzainen Elkarteak (UAGA) argitaratu du. UAGA sindikatuak hainbat kafe-tertulia eta errezetak berreskuratzeko ikastaro antolatu ditu urtean zehar, eta errezeta-liburua lan-saio horien emaitza da.

Ikastaroak Laura Muñoz sukaldariak, Trebiñuko Torre herriko Urgora jatetxeko jabeak, eman ditu, eta bera arduratu da errezetei ikuspegi berritzailea eman eta liburua atontzeaz.

Mota horretako ekimenen bidez, emakumeen lana goraipatu eta aitortu nahi da sindikatuaren barruan. Era berean, hurbileko kalitatezko produktuen kontsumo arduratsua bultzatu nahi da, errezeta guztiak bertako produktuekin, eta garaian garaikoekin, eginak dira-eta.

Errezeta-liburua Uagalur dendetan eros daiteke, 5 eurotan. Dena den, 10 eurotik gorako gastua egiten duten bezeroei liburua oparitu egingo zaie. Uagalurren bi dendak Gasteizen daude —Simon Bolivar kaleko 14. zenbakian, bata, eta Gasteizko Plaza de Abastos azokan, bestea—, eta nekazaritza- eta abeltzaintza-produktuak saltzen dituzte, bitartekaririk gabe.

Ekimenean Arabako eskualde guztietako ehun bat emakumek partu dute. Aiararen kasuan, UAGAk sei sukaldaritza-saio antolatu ditu Menagaraiko San Pedro elizako lokalean. Gure eskualdeko emakumeek Arabako beste txoko batzuetako errezetak ikasi dituzte, eta eurek ere beren ekarpena egin dute: kuiazko tostadak.

Kuiazko tostadak

 Osagaiak:

 500 gr kuia (kalabaza)

 Kanela-zotz erdia

 3 arrautza

 4 koilarakada handi azukre

 4 koilarakada handi irin

 Baso erdi anis

 Koilarakadatxo bat Royal

 Olioa

 

Prestaketa:

 Kuia zatitu eta kanelarekin batera egosi. Ondo egosi eta gero, indarrez estutu behar da, ura kentzeko, eta, ondoren, xukatzen utzi. Arrautzak, azukrea eta anisa ondo irabiatu eta kuiarekin nahastu. Gero, irina bota behar da, pixkanaka-pixkanaka, eta dena ondo nahastu. Royala gehitu. Zartagin batean olioa bota, eta oso bero ez dagoela, koilaraz nahasketaren pilotatxoak hartu eta zartaginean botako ditugu. Frijitzen hasten direnean, opiltxo itxura hartuko dute. Ongi txigortuta daudenean, tostadak atera eta platerean utziko ditugu. Azkenik, glacé azukrea botako diegu gainetik. 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide