"Erretes Tudelako jaietara hurbiltzen den jendeak errepikatzen du"

ENEKO PRIETO (1979, Erretes Tudela) bere herriko jai batzordeko kidea da. Hurrengo asteko asteburuan ospatuko dituzte jaiak eta bere egitaraua zein filosofia azaldu ditu.

Hasteko, zein da jaien egitaraua?

Larunbatean txupinazoarekin hasiko dugu ospakizuna goizean. Eta besteak beste “pulpeiro” bat ekarriko dugu jendeak zerbait jan dezan, oso gogoko baitugu.

Hasteko, zein da jaien egitaraua?

Larunbatean txupinazoarekin hasiko dugu ospakizuna goizean. Eta besteak beste “pulpeiro” bat ekarriko dugu jendeak zerbait jan dezan, oso gogoko baitugu.

Hori bai, gero bakoitzak bere etxean bazkalduko du, edo lagunen etxean. Horren ostean alborada batzuk egingo ditugu. Hau da, kalejira egingo dugu etxez-etxe eta bakoitzak nahi edo ahal duena oparitzen du.

Umeentzako ekintzak ere antolatu ditugu.

19:00ak arte luzatuko dugu eta orduan talde gazte batek kontzertua eskainiko du.

Musika emanaldiaren ostean parrillada egingo dugu eta “pulpeiro”-ren txanda izango da berriro.

Eta gero berbena izango dugu, 03:00ak edo 04:00ak arte iraungo du.

Txosna irekita egongo da gogoak agortu arte.

Igandean meza egingo da eta horren ostean herri bazkaria.

Bukatzeko eta jaiari amaiera emateko maskota erreko dugu.

Zein da maskota?

Etiliko.com da bere izena. Maskotak 20 urte inguru ditu. Lehen jaiak gauean egiten ziren gehienbat eta maskotaren bitartez jaietatik igarotzen zen jende guztia omentzen dugu.

Zein da jaien helburu garrantzitsuena?

Azken finean Erretes Tutera herri txikia da, 20 biztanle inguru ditu eta jaien bitartez senideak hurbiltzeko eta herria batzeko aukera da.

Eta jakina, gustatzen zaigu inguruko jendea ere hurbiltzea, gustura ibiltzen gara haiekin ere. Gazteen artean jai berezia da eta jendeak egutegian gordetzen duen jaia da.

Artziniegan jaia antolatzen den jai bakarra da auzoei dagokienez.

Nola antolatzen duzue?

Jai batzordea dago baina finean koadrila bat gara. Gutxi gorabehera urtero egitarau bera antolatzen dugu. Gauza berriren bat txertatzen dugu baina aurrekontua ez da oso handia eta gauza askorik ezin duzu egin.

Gehienbat txosnari esker finantzatzen gara. Zorionez jendeak asko edaten du hemendik eta horri esker ekintzak ordaindu ditzakegu.

Herri ezezaguna da Erretes Tutera, aurkeztuko zeniguke?

Herria alda zaharrak osatzen du eta guztia harrizkoa da. Mendizerrako sekulako bistak dauzka. Eguraldi ona eginez gero plazer hutsa da paseotxo bat ematea hemendik.

Jendea animatuko duzu Erretes Tuterara joaten?

Bai, jendea anima dadin, etortzen den jendeak errepikatzen baitu.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide