IURRETA XXIV - Emakumeen Bira

Erabiltzailearen aurpegia

Erakustaldi ederra eman du Marianne Vos Nederland Bloeit taldeko ziklistak aurtengo Iurreta Emakumeen Biran, lehen bi saioetan garaile izan eta gero Urduñan hasi eta bukatu den saioan ere irabazle izan da. Aurtengo edizioko etapa nagusira Pooleyrekiko 50 segundoko eta Emma Johanssonekiko minutu bateko errentarekin heldu da holandarra, eta errentari eutsi ez ezik, garaipena lortu du bere ihesaldiko kideei Antigua etorbideko esprintean nagusituz.


125 kilometroko etapa izan dute ziklistek aiaraldea zeharkatu duen ibilbide malkartsuan, Barrerilla, Garate eta Urduña gainak ohiko denez erabat hautsi dute lasterketa, tropela zatikatuta itzuli da Urduñara. Lehen postuetan Marianne Vos, 2.008. urtean txapeldun izandakoa, Judith Arndt 2.009.ean txapeldun eta iaz bigarren izandako alemaniarra, Emma Johansson suediarra, Christel Ferrier eta Olga Zabelinskaia heldu dira, haien artean esprinta lehiatu dute eta Vos izan da azkarrena; sari bikoitza izan du gainera sailkapen nagusian maillot horia eskuratu eta aurtengo edizioaan hirugarrenez etapa garaipena erdietsi baitu Iurretan eta Lekeition nagusitu eta gero.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide