aiaraldea.eus

Sahararako 200 mendi-bizikleta

Erabiltzailearen aurpegia Koldo Zabala Atxa  Aiaraldea
Sahararako 200 mendi-bizikleta
Metro Bilbao, Eusko Tren, E.T.S. eta Iberdrola enpresetako langile talde batek "Sahararako 200 bizikleta" ekimena jarri du abian. Langile talde horrek Saharako Errepublika Arabiar Demokratikoaren aldeko "Otsailak 27" Euskal Elkarteen koordinakundearekin batera antolatu du egitasmo hori. Algeriako lurretan dagoen Ausserd errefuxiatu sahararren kanpamendura bidaliko dira bizikleta horiek eta bizikletekin batera osasun-materiala eta botikak bidaltzeko asmoa dago.

Metro Bilbao, Eusko Tren, E.T.S. eta Iberdrola enpresetako langile talde batek "Sahararako 200 bizikleta" ekimena jarri du abian. Langile talde horrek Saharako Errepublika Arabiar Demokratikoaren aldeko "Otsailak 27" Euskal Elkarteen koordinakundearekin batera antolatu du egitasmo hori. Algeriako lurretan dagoen Ausserd errefuxiatu sahararren kanpamendura bidaliko dira bizikleta horiek eta bizikletekin batera osasun-materiala eta botikak bidaltzeko asmoa dago. Amurrioko Sahararen aldeko elkartea ere, proiektu hau aurrera eramateko lanean dabil eta Aiaraldean ahalik eta bizikleta gehien lortzeko asmotan dabil. Bizikleta horiek mendi-bizikleta izan behar dute eta edozein neurritakoak onartzen dira, baldin eta egoera onean badaude. Beraz, trastelekuan edo baztertuta dugun mendi-bizikleta hori ezin hobeto etorriko zaie errefuxiatuen kanpamenduetan bizi diren ume zein gazteei. Proiektu honen kostuak arintzeko, 26.000 € behar dira osasun-materiala, botikak eta bizikletak eramateko trailerra ordaintzeko, kamisetak jarri dituzte salgai eta egun hauetan Aiaraldean ditugun azoketan kamiseta erosteko aukera izango dugu. Mendi-bizikleta emateko, kamiseta erosteko edo honen inguruan informazio gehiago jasotzeko Amurrioko Sahararen aldeko elkartearekin harremanetan jarri arasd.amurrio@hotmail.com edo http://200bicisparaelsahara.org webgunean.

Ikusi argazki guztiak handiago

Erantzunak

Erabiltzailearen aurpegia Arkaitz Erantzuna | #1

Amurrioko Sahararen aldeko taldeak, bizikleten jasotzea errazteko, hauek uzteko bi leku proposatzen ditu, ormaetxea bizikleta denda eta garbigunea. Bertako arduradunekin hitzeginda dago eta beraz Saharara bidaltzeko bizikletarik badaukazue ezin baino errezago daukazue.
Animatu.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa