XXIV.Gorobel Ibilaldia azaroaren 7an egingo da

Urtero bezala, Mendiko Lagunak mendi taldeak jendeak Gorobel mendilerroaren natura-inguruneaz jai-giroan gozatzen jarrai dezan antolatu du ibilaldi arrakastatsu hau.

Aurten, ibilaldi bakarra egongo da, 38 kilometrokoa, baina ibilaldia guztia egin nahi ez dutenek Gorobeleko Barrerilla izeneko atakan bidezidor bat hartu eta zuzenean Goizale aterpera hurbilduko dira, orotara, 28 kilometro eginez.

Urtero bezala, Mendiko Lagunak mendi taldeak jendeak Gorobel mendilerroaren natura-inguruneaz jai-giroan gozatzen jarrai dezan antolatu du ibilaldi arrakastatsu hau.

Aurten, ibilaldi bakarra egongo da, 38 kilometrokoa, baina ibilaldia guztia egin nahi ez dutenek Gorobeleko Barrerilla izeneko atakan bidezidor bat hartu eta zuzenean Goizale aterpera hurbilduko dira, orotara, 28 kilometro eginez.

Ibilaldiari goizeko 7:30-8:00 bitartean emango zaio irteera eta partaideek herriko plazan jaso beharko dituzte kontrol txartelak. Irtenaldia hasi bezain laster, Mendeika herrira helduko dira mendizaleak. Mendeikatik hegoalderantz jarraituz Lendoñogoitira helduko dira eta, jarraian, mendilerro honetako pagadi ikusgarrienetariko bat zeharkatuz, Gorobelera igoko dira eguneko aldapa handienak gaindituz. Senda Negrako paisaia igarota, Barrerilla izeneko atakara helduko dira eta puntu zehatz horretan batzuk Goizale aterperaino joango dira eta besteak Bedarbide, Solaiera eta Goldetxoko atakarantz joango dira. Bertatik, Gorobel mendilerroaren barrenean Mojón Altoko tontorrera helduko dira eta, ondoren, hiru kilometro inguru pasata, ibilbide luzea egiten ari direnak ere Goizale aterpera helduko dira.

Aterpean jateko eta edateko aukera egongo da, eta hortik Tologorriko tontorrera hurbildu ostean, Amurriorantz abiatuko dira Menerdigako atakan zehar, goizean igotako desnibela jaitsiz. Belandiara helduta, Eskortzako mendigunetxoa igo eta Amurriora Aiarako Etxegoien auzotik bueltatuko dira.

Antolatzaileen esanetan “martxa honen helburua jendeak paisaia eder eta berezi hau ezagutu eta mirestea da, argazkiak egin ditzala edo begira dezala, besterik gabe, guztia txalaparta eta trikitixen soinuaz girotuta. Jendeak ibiltzeko eta gozatzeko nahiekin parte hartzea nahiko genuke, eta ez korrika egitera etortzera, horretarako jadanik baitituzte txapelketa propioak”.

Ibilaldiari buruzko informazio gehiago Amurrioko elkarte honek Jose Pikaza kalean daukan egoitzan astearte eta ostegunetan 19.00etatik 21.00etara eskuratu dezakezue. Aldi berean, www.mendikolagunak.com web-orrian informazio ugari ere aurki dezakezue eta bertan ere ibilaldian parte hartzeko izena emateko aukera dago.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide