Tubacex-Aceralavako enpresa batzordeak mobilizazio berriak iragarri ditu enpresak kaleratutako langile bat berriz hartu dezan

Erabiltzailearen aurpegia

Tubacex-Aceralavako LAB, CC.OO, ELA eta UGT sindikatuek mobilizazio eta lan uzte berriak iragarri dituzte enpresa kaleratutako langile bat berriz ere hartzera behartzeko. Era berean, sindikatuok hamarkadetan zehar irabazitako eskubideak enpresa ezartzen ari den nagusikeriagatik galdu izana salatu dute.

Tubacex-Aceralavako LAB, CC.OO, ELA eta UGT sindikatuek mobilizazio eta lan uzte berriak iragarri dituzte enpresa kaleratutako langile bat berriz ere hartzera behartzeko. Era berean, sindikatuok hamarkadetan zehar irabazitako eskubideak enpresa ezartzen ari den nagusikeriagatik galdu izana salatu dute.

Aurreko asteetan, langileek txanda bakoitzeko ordu beteko lan uzteak egin dituzte, eta egoera bideratu ezean, datorren asterako txanda bakoitzeko hiru orduko lan uzteak egingo dituzte ostegun eta ostiralean. Era berean, kontzentrazioak deitu dituzte urriaren 18, 19 eta 20rako Tubacex enpresak Laudion duen egoitzaren aurrean 13:30etatik, 14:30etara.

Gertaerak pasa den uztailan hasi ziren, enpresak disziplina espediente bat dela-eta langile bat kaleratzea erabaki zuenean; sindikatu guztiek aho batez "gehiegikeritzat" jo zuten neurria, izan ere eztabaida bat izateagatik kaleratzea "neurrigabea" iruditu zitzaien. Enpresak kasua berrikusteko konpromisoa azaldu zuen baina gerora langilea kaleratzeko hartutako erabakian berretsi zen, kaleratzea "bidegabeko kaleratzea" zela onartu zuen. Datorren urriaren 25an izango dute epaiketa.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide