22 urteko langile bat hil da Murgako argindar estazioan elektrokutatuta

Beharginak istripua izan du gaur goizean Murgako argindar gunean. 09:00ak aldera jazo da ezbeharra. Osasun zerbitzuek ezin izan dute suspertu, eta ordubeteren buruan zendu da. Hildakoak 22 urte zituen eta jatorri portugaldarra.

Lan istripua 9:00ak aldera gertatu da Murgan. Elektrizitate estazioan lanean zebilen langilea elektrokutatua hil da.

Suhiltzaileak eta anbulantzia bertaratu dira artatzera, baina ezin izan dute ezer egin, ordubetez baino gehiago erreanimazioa egin dioten arren, pultsu ahula baitzuen. Ertzaintza ari da gertatutakoa ikertzen.

Istripuak zerbitzu elektrikoan eragina izan du, Zuhatzan, adibidez, argirik gabe daude goizetik. Iberdrolak jakinarazi dio Aiarako Udalari pare bat ordutan konponduko dutela.

Elkarretaratzea Amurrion bihar
LAB sindikatuak oharra plazaratu du salatzeko bi hildako egon direla gaur Euskal Herrian lan istripuen ondorioz; Urretxun eta Murgan. Gehiengo sindikalak elkarretaratzea deitu du biharko (ekainak 1). Herriko Plazan izango da, 12:00etan. 

Erakundeak nabarmendu du prekarietatearen ondorio zuzena direla horrelako gertakariak eta azaldu du, Urretxun zendutako behargina gutxienez azpikontrata batean aritzen zela.

Sindikatuen elkarretaratzea

Euskal gehiengo sindikalak kontzentrazioa egingo dute bihar eguerdian Amurrioko herriko plazan salatzeko bi langileen heriotza.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide