Giza-katea bat gure herria estutzen duten katea guztiak eteteko. Izan ere, Nafarroan kantatzen den bezala “las del escudo son nuestras, las de fuera son impuestas”. Oraingo honetan Euskal Herriko hiru hiriburu baino ez dugu lotuko, baina zazpiak bat egin arte ez gara geldituko.
Katenmailak behar dira, luzea baita katea, eta esku hartu (eman, luzatu) nahi duten guztiek, lehen bai lehen, euren metroa erosi behar dute, zapia eta guzti, Aiaraldean zehar luzatuko diren kilometroetan (Atxeta-rean Altube-raino Laudiotik, Luiaondotik eta Amurriotik doa) bere adiskide, lagun eta elaide guztiekin bat eskurik esku nahi badute. Zahar eta gazte, no eta to, baserritar eta kaletar...GU guztiok behar gaitu (gaitik, gaitin, gaituzu)
AIARALDEA BAT elkarteak Aiaraldeko herri guztietan izen-zerrendak osatzen dihardu, zapiak saltzen, bide-zatiak antolatzen...Laudioko egoitzan 19:00etatik 21:00etara, Amurrion, Artziniegan, Okondon, Aiaran, Arakaldon…5na euro ERABAKITZEKO ESKUBIDEaren alde.
Lizardik arrazoia zuen: “asaba zaharren baratzean KATEA EZ DA ETEN”.