Asteburu honetan ospatuko dira Lezamako Jaiak. Ospakizunaren azken detaileak atontzen dabiltza antolatzaileak. Karpa eta eszenatokia muntatu dituzte, besteak beste:
Egitarau oparoa prestatu dute. Larunbatean mus txapelketa, umeentzako jokoak, txokolatada, herrien arteko herri kirolak eta afari herrikoia egongo dira. Urduñako The Pushermen bertsio taldea eta Lehian! erromeria arduratuko dira gaueko giroa alaitzeaz.
Igandean, aldiz, mendi ibilaldia eta nagusientzako bazkaria izango dira ekintza nagusiak.
Doako autobus zerbitzua
Antolatzaileek gogorarazi dute aurten ere autobus zerbitzua egongo dela. Larunbatean 00:00etan abiatuko da autobusa Telefonikatik eta goizeko seietan itzuliko da. Igandean ere egongo da herrira igotzeko autobusa.
EGITARAU OSOA
Azaroak 10, larunbata
16:30 // Mus txapelketan parte hartzeko izen ematea
17:00 // IX. Mus Txapelketa
Sariak:
1. Txapela eta 100 euro
2. Botila-sorta eta 50 euro
3. Botila-sorta eta 30 euro
17:30 // Umeentzako jokoak
19:00 // Txokolatada
19:30 // Herri kirolak
22:00 // Parrillada herrikoia
00:00 // Kontzertuak: Pushermen eta Lehian
*Doako autobus zerbitzua egongo da 00:00etan Telefonikatik, 6:00etan itzultzeko
Azaroak 11, igandea
10:00 // Lezamako IV. Mendi Martxa
Martxa 10:00etan abiatuko da Lezamatik eta 12 kilometrotako ibilbidea osatuko du. Inskripzioak euro 1 balioko du.
12:00 // San Martinen omenezko meza
12:30 // Zozketa elizako arkupeetan
14:00 // 65 urtetik gorakoentzako lezamarrentzako bazkaria