Emunek ekainaz geroztik du abian www.hitzartzen.eus, hizkuntza portaerak aldatzen lagundu nahi duen webgunea. Urteetan www.telptailerrak.eus martxan izan ostean, atal berriak gehitu eta guztiz eraberrituta aurkeztu dute webgune hori.
Hizkuntza ohiturak aldatzen ari diren edo aldatu dituzten lagunen testigantzak daude jasota han; ez hori bakarrik, ariketa horretan trebatu nahi dutenentzat tresnak ere ematen dituzte: alde batetik, norberaren portaerak ulertzen lagunduko duten artikulu interesgarrien bloga, eta bestetik, kontsultak egiteko gunea; egunerokoan sortzen diren zalantzei erantzunak bilatzen lagunduko diete Emuneko adituek han. Horrez gain, Emunek eskaintzen dituen saioen inguruko informazioa ere badago Gure saioak atalean.
Emunek gogorarazi du Euskaraldiak hizkuntza ohitura aldatzeko erabakia hartzen lagundu nahi duela, eta parte hartuko dutenek rol bat edo bestea aukeratu ahal izan dute. Hala, ekimenak iraungo duen hamaika egun horietan espazio babestua eskainiko dute egin nahi diren aldaketa horiendako. Parte-hartzaileei bidean sortuko zaizkien zalantzei eta ezinegonei erantzuten lagundu nahi die Emunek, eta era berean, bizipenak konpartitzeko aukera eman www.hitzartzen.eus-en bitartez.
Hizkuntzarekin sortutako zalantzei erantzuteko tresna du abian Emunek
2018ko aza. 20a, 11:07
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide