Argazki Bilduma: Udal hauteskundeak Aiaraldean

Erabiltzailearen aurpegia Gartzen Garaio Atxurra  Aiaraldea

Argazki Bilduma: Udal hauteskundeak Aiaraldean

Hauteskunde egun luzea izan da gaurkoa, Aiaraldea Komunikazio Leihoa osatzen dugun pertsonek ahalegin berezia egin dugu herritarrei ahalik eta informazio hurbilena eta gaurkotuena emateko. Zuzeneko bideo emisioa lantzen kide asko aritu gara (bai eta asko lagundu gaituzten pertsonak ere), arazo teknikoak ere izan ditugu, baina horra gure ahalegin txikia, ibiliaren ibiliz etorkizuenean hobe egiten asmatuko dugulakoan.

Hona hemen egunak eman dituen argazkietako batzuk

Herriz herri elkarrizketa eta emaitzekin zuzeneko programa egingo du 20:30etatik aurrera Aiaraldea.com-ek

Erabiltzailearen aurpegia Izar Mendiguren Cosgaya

Herriz herri elkarrizketa eta emaitzekin zuzeneko programa egingo du 20:30etatik aurrera Aiaraldea.com-ek

Aiaraldea.com-en programa berezia emitituko da 20:30etatik aurrera. Eguneko irudiak, hautagai guztien mezuak, argazkiak, emaitzen bilketa eta zerrenda bozkatuenetako hautagaiekin zuzeneko elkarrizketak egongo dira ikusgai. Baita twitter bidezko jarraipen berezia ere.

Goiza, normaltasunez

Jesuri eta Ganeko bizirik: "Energia eta enpresa berdez hitz egiten digute gure ingurumena deuseztatu eta kutsatzen duten bitartean"

Erabiltzailearen aurpegia Izar Mendiguren Cosgaya   Ingurumena

Jesuri eta Ganeko bizirik: "Energia eta enpresa berdez hitz egiten digute gure ingurumena deuseztatu eta kutsatzen duten bitartean"

Orozkon eta Arrankudiaga Zollon parke eolikoa egiteko proiektua abian da. Hori dela eta, aiaraldear batzuk Jesuri eta Ganekogorta Bizirik plataforma sortu dute. Horietako bat da Ieltxu Orueta (Laudio, 1985).

Aiaraldeak eskualde osorako zabortegirik gabe jarraitzen du

Erabiltzailearen aurpegia Irati Marañon Quintana  Aiaraldea

Aiaraldeak eskualde osorako zabortegirik gabe jarraitzen du

Egungo legegintzaldia amaitzear dago eta Aiaraldeak ez du hondakin geldoak uzteko zabortegirik. Aiarako Kuadrillako lehendakari Javier Bitorikaren esanetan, eskualdean sortzen diren mota horretako hondakinak beste udalerrietara eraman behar dira edo, bestela, partikularrekin hitzarmenak lotu, euren lurretan utzi ahal izateko. Egoera horrek, antza, kontrolik gabeko zabortegi ilegalak ugaritzea eragin du.

Udal Hauteskundeak aiaraldean (2011) > Okondoko hautagaiak

Erabiltzailearen aurpegia Iñaki Ibarrola Atxa  Aiaraldea  Okondo Okondoko hautagaiak: Okondo Bai, EAJ-PNV eta Bildu

Ertzaintzak lapurreta metodo berri bati buruz ohartarazten du

Erabiltzailearen aurpegia Txabi Alvarado Bañares  Aiaraldea

Ertzaintzak lapurreta metodo berri bati buruz ohartarazten du

Ertzaintzak lapurreta-metodo berri baten berri eman du. Lapurreta-metodo hori honetan datza: bi pertsona gehienetan edadetua den norbaiten etxera sartzen dira eta udaleko langileak, gizarte-zerbitzuetako kideak edota antzekoak direla esaten dute. Horrela, batak etxekoak distraitzen dituen bitartean, besteak bertan dagoen diru eta bitxiak ostu egiten ditu.

Bilduren aldeko bizikleta martxa

2011/05/14 09:00

Aiaraldea

Arespalditzatik eta Okondotik 11:00etan abiatuko da eta gero Amurriotik (Bilduren bulegoa) 11:30etan pasatu, Luiaondotik 12:15etan eta Laudiotik (Gardea) 12:30etan Laudioko Herriko Plazan amaitzeko Ekitaldi Politiko batekin 13:00etan. Ikurrinari omenaldia egin ondoren, Aiaraldeko bilduko hautagaiek eskualde mailako ekitaldia egingo dute.

Udal hauteskundeak aiaraldean (2011) > Artziniegako hautagaiak

Erabiltzailearen aurpegia Iñaki Ibarrola Atxa  Aiaraldea  Artziniega Artziniegako hautagaiak: EAJ-PNV eta Bildu

Udal hauteskundeak aiaraldean (2011) > Orozkoko hautagaiak

Erabiltzailearen aurpegia Iñaki Ibarrola Atxa  Aiaraldea  Orozko Orozkoko hautagaiak: Adie, EAJ-PNV eta Bildu

Etzi amaituko da Aiaraldeko haur eskoletan matrikulatzeko epea

Erabiltzailearen aurpegia Izar Mendiguren Cosgaya   Hezkuntza

Etzi amaituko da Aiaraldeko haur eskoletan matrikulatzeko epea

Ostiralean amaituko da Aiaraldeko haur eskoletan matrikulatzeko epea. Heziketa gune hauek 0 eta 2 urte bitarteko umeen zaintzaz arduratzen dira, "heziketa integralaren bultzatuz". Nerea Amurrioko Tanttaka Haur eskolako irakaslea da, eta dioenez, eskola hauetan gauzatzen den hezkuntza metodoa ez da soilik asistentziala: "Bere alde edukatiboa du, umeen hazkuntza potentziatzen dugu ekintzen bidez. Ez da haurtzaindegi soila, gauza gehiago ere egiten ditugu".Besteak beste, gorputza, objektua, afektibitatea, pentsamenduak lantzen dituzte.

Aiarako Kuadrillak ontzien birziklapena hobetzeko kanpaina abian jarriko du

Erabiltzailearen aurpegia Xabi Zalbide   Ingurumena

Aiarako Kuadrillak ontzien birziklapena hobetzeko kanpaina abian jarriko du

"Ontziak, bai eskerrik asko"; horixe izango da Aiarako Kuadrillako ingurumen arloak edukiontzi horiaren bidezko ontzien bilketa hobetzeko abian jarriko duen kanpainaren leloa. Kanpaina prestatzen ari dira arloko arduradunak, eta jakinarazi dute, era berean. hobeto birziklatzerako aholkuak emango dituen bitxilore izango dela kapainaren irudia.

Udaletako euskara egoeraren rankingean 22. eta 39. postuak lortu dituzte Amurriok eta Laudiok, hurrenez hurren

Erabiltzailearen aurpegia Izar Mendiguren Cosgaya   Euskara

Udaletako euskara egoeraren rankingean 22. eta 39. postuak lortu dituzte Amurriok eta Laudiok, hurrenez hurren

Pasa den astean aurkeztu zuten Amurrion Euskararen Gizarte Erakundeko Kontseiluak egindako udalen hizkuntza azterketa. 66 udaletako euskararen egoera ikertu dute. Besteak beste, udalak euskara ordenantzarik duen, euskara plan orokorrik duen eta azken urtealdian euskarari zenbateko aurrekontu orokorra eman dioten konprobatu dute. Baita udalak diruz lagundutako talde eta entitateek errotulazioa euskaraz izan dezaten erabakirik hartu duten, kaleetako kartelen hizkuntza zein den, edo udaletxeetako errotulu formaletan zein hizkuntza nabarmentzen den.

Udal hauteskundeak aiaraldean > Aiarako hautagaiak

Erabiltzailearen aurpegia Iñaki Ibarrola Atxa  Aiara  Aiaraldea Aiarako EAJ, Aiara Batuz eta Bildu koalizioko hautagaien bideoa.

Bizkaiko Ekologistak Martxanek Ganekogortako parke eolikoa geratzeko alegazioak aurkeztu dizkio Eusko Jaurlaritzari

Erabiltzailearen aurpegia Izar Mendiguren Cosgaya   Ingurumena

Bizkaiko Ekologistak Martxanek Ganekogortako parke eolikoa geratzeko alegazioak aurkeztu dizkio Eusko Jaurlaritzari

Ganekogorta eta Galarraga mendietan eraiki nahi duten parke eolikoaren aurka agertu da Bizkaiko Ekologistak Martxan. Adierazi dutenez, ingurumen ezaugarriengatik urteak daramatzate Eusko Jaurlaritzari eskatzen Ganekogorta "babestutako gune" bilakatzeko. Guztira, 80 metroko hamabi aerosorgailu jarriko ditu Iberdrolak Zollon. Horretarako, baina, 8.500 metroko pistak egiteko asmoa iragarri dute, kamioiak igaro daitezen. Ekologistak Martxanek emandako datuen arabera, parke eolikoa eraikitzeko egokitzapenek 14.550 metrori eragingo liekete.

Espezie ugari arriskuan

Bildu koalizioaren zerrendak legez kanpo ez uztea erabaki du Auzitegi Konstituzionalak

Erabiltzailearen aurpegia Gartzen Garaio Atxurra  Aiaraldea

Bildu koalizioaren zerrendak legez kanpo ez uztea erabaki du Auzitegi Konstituzionalak

Espainiako Auzitegi Konstituzionalak atzo gauerdian eman zuen aditzera bere erabakia; Bildu koalizioaren zerrendak baliogabetzeko Auzitegi Gorenak hartutako erabakia atzera botaz. Auzitegi Konstituzionalak osoko bilkuran hartu zuen erabakia. Bilkura osatzen duten 11 epaileetatik seik egin zuten Bilduren zerrendak onartzearen alde, eta bostek ordea kontra.

"Herri Urrats"ekin bat eginez Senperera joateko deia luzatu dute hainbat eragilek

Erabiltzailearen aurpegia Irati Mendiguren Cosgaya   Euskara

"Herri Urrats"ekin bat eginez Senperera joateko deia luzatu dute hainbat eragilek

Igandean izango da aurtengo ikastolen aldeko jaia Ipar Euskal Herrian. Lema "Laku bat mundura!" izatea erabaki dute. Milaka euskal herritar bilduko dira  Seaskaren eta ikastolen mugimenduari atxikimendua adieraztera. Egun osoan zehar batutako diruarekin, ikastolak sortu, konpondu eta baldintzak hobetzea izango dute xede. Laudio Ikastolak autobusa antolatu du 14 eurotan.
Amurrioko Udalak jakinarazi duenez, iaz autobusa atera ez zela eta aurten ez du autobus zerbitzua eskainiko. Dena dela, Herri Urratsera joateko deia luzatu dute.

Bildu koalizioak Aiaraldean aurkeztutako zerrenda guztiak baliogabetu ditu Espainiako Auzitegi Gorenak

Erabiltzailearen aurpegia Gartzen Garaio Atxurra  Aiaraldea

Bildu koalizioak Aiaraldean aurkeztutako zerrenda guztiak baliogabetu ditu Espainiako Auzitegi Gorenak

Espainiako Auzitegi Gorenak Bildu hauteskunde koalizioaren zerrenda guztiak baliogabetu ditu, Aiaraldeko herrietakoak barne. Gaueko 23tan kaleratutako epaiak dionez, ETAk eta Batasunak zuzendu eta kontrolatu dute Bildu. Epaitegia osatzen duten 15 epaileetatik bederatzik baliogabetzearen alde bozkatu dute, eta seik ordea kontra.

Aiaraturrek gastronomian oinarritutako turismo kanpaina aurkeztu du

Erabiltzailearen aurpegia Ane Ortega Diez  Aiaraldea

Aiaraturrek gastronomian oinarritutako turismo kanpaina aurkeztu du

Aiaraturrek, turismoaren sustapenerako elkarteak Aste Santuan zehar “Aiaraldean Jan” kanpaina hasiko du. Eskualdean kontsumo gastronomikoa indartu nahi duen ekimen hau ekain arte egongo da martxan.

Zorionak zuri...aiaraldea egiten duzun horri!

Erabiltzailearen aurpegia Iñaki Ibarrola Atxa  Aiaraldea Aiaraldea.com 2010eko apirilaren 17an sortu zen mundura. Urtebeteko ibilbide oparoa jaso eta egitasmo hau posible egin duten dozenaka pertsonei esker ona erakusten dio elkarteak bideo honetan

Aralarrek aurkeztu ditu maiatzaren 22ko hauteskundeetarako hautagaiak

Erabiltzailearen aurpegia Edorta Moreno Martin

Aralarrek aurkeztu ditu maiatzaren 22ko hauteskundeetarako hautagaiak

Aralar alderdiak dagoeneko aurkeztu ditu, datorren maiatzaren 22ko udal eta foru hauteskundeei begira, bere hautagai zerrendak Aiarako barrutian, Laudioko Udalerako eta baita Arabako Batzar Nagusietarako ere. Epi Zurimendi izango da Batzar Nagusietarako zerrendaburu eta Andoni Estefania Laudioko Udalerako. Aralarreko kideek euren alderdiaren garrantzia berretsi dute erakundeetan indar abertzale eta ezkertiarra bultzatze aldera eta, horri begira, ilusio handiz ekingo diotela lanari.