EAJko gobernu-taldearen eraginkortasunik eza salatu du Bilduk

Erabiltzailearen aurpegia

Bildu Amurriok prentsaurrekoa eman zuen ostiralean, EAJko gobernu-taldeak azken hilabete eta erdian izan duen ibilbidearen gaineko hausnarketa egiteko.

Bildu Amurriok prentsaurrekoa eman zuen ostiralean, EAJko gobernu-taldeak azken hilabete eta erdian izan duen ibilbidearen gaineko hausnarketa egiteko.

Koalizioko ordezkariek salatu dute azken hilabetean ez direla bildu ez batzorde informatiboak ez eta osoko bilkura ere. Halaber, zera gehitu dute: iragan astelehenean Tubacex enpresan hil zen beharginaren heriotza salatzeko adierazpen instituzionalik ez dela egin, eta hori “penagarria” dela. Haien iritziz, udal-talde guztietako bozeramaleak batu eta adierazpen instituzionala egin beharko lukete, baina gobernu-taldeak ez du horrelako ekimenik bultzatzeko urratsik eman.

Bestalde, 2013rako Udal Aurrekontuei dagokienez, esan dute ez dutela ez daturik ez eta informaziorik ere jaso. Bildu prest dago gobernu-taldearekin, udal-taldeekin, teknikariekin eta Amurrioko herritarrekin lan egiteko, aurrekontuak beste modu batean lantzeko, baina, ez dute EAJren erantzunik jaso.

Osoko bilkuran hartutako erabakiei dagokienez, adierazi dute mozio guztiak ez direla berdin tratatzen, eta EAJk berak aurkeztutako ekimenei soilik ematen diela bultzada. Horren adibide, frackingaren gaineko mozioa aipatu dute. Izan ere, Amurrio frackingik gabeko herri izendatzeko mozioa onartu zen osoko bilkuran, baina kontua hor geratu da, ez atzera eta ez aurrera. Gaiak ez du aurrera egin.

Azkenik, herritarren parte-hartzea sustatzeko batzordea izan dute hizpide. Horren harira salatu dute bi urtean behin baino ez dela bildu.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide