Mendi zelai publikotan ahuntzak larratzeko debekua

Erabiltzailearen aurpegia

Jabetza publikokoak diren mendi larreetan ahuntzak bazkatzeko debekua indarrean jarri berri du Amurrioko Udalak. Ahuntzek, kontrolatu ezean, harrapatzen duten guztia txikitzen omen dutelako hartu du Udalak erabakia. Horrela, mendi zelai publikotan Udalak erein edo landatzen duen begetazioa gorde eta babestu nahi du.

Jabetza publikokoak diren mendi larreetan ahuntzak bazkatzeko debekua indarrean jarri berri du Amurrioko Udalak. Ahuntzek, kontrolatu ezean, harrapatzen duten guztia txikitzen omen dutelako hartu du Udalak erabakia. Horrela, mendi zelai publikotan Udalak erein edo landatzen duen begetazioa gorde eta babestu nahi du. Hala ere, salbuespenak ere egon daitezkeela adierazi du Udalak, zonalde konkretu bat sasiz garbitu nahi bada, adibidez.

Ohikoa da ahuntzak mendi zelaiak eta lursailak garbitzeko erabiltzea, edozein landare mota jateko gai direlako, baita arantzatsuak diren landareak ere. Baina azken urteotan Amurrioko mendietan ahuntzen eraginak zenbait desoreka egoera sortu ditu. Horrela, larre publikoak erabiltzen zituzten ahuntzen kopurua 125ekoa zen 2006an; 2009an, aldiz, kopuru hori bikoiztu egin zen.

Era berean, mendi-zelai publikoetan larratzen diren abereak zenbatu ditu Udalak; 414 dira guztira: 257 ardi, 115 behi, 27 zaldi eta 15 erlauntza.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide