Amurrioko gazte bat hil da lan istripuan Basaurin

Erabiltzailearen aurpegia

Aitor Carnero 28 urteko gazte amurriorra bart hil da Sidenor enpresak Basaurin duen lantokian gertatutako ezbeharrean. Gazteak aldi baterako kontratua zuen enpresan, sei hilabatekoa, hain zuzen ere, nahiz eta dagoeneko bi urte emanak zituen enpresa horretan lanean.

Aitor Carnero 28 urteko gazte amurriorra bart hil da Sidenor enpresak Basaurin duen lantokian gertatutako ezbeharrean. Gazteak aldi baterako kontratua zuen enpresan, sei hilabatekoa, hain zuzen ere, nahiz eta dagoeneko bi urte emanak zituen enpresa horretan lanean.

Ezbeharra goizaldeko ordubatetan gertatu da, gaztea gurdi baten eta pieza handi baten artean harrapatuta geratu denean. Hartutako kolpeak berehala hil du gaztea.

Langilea UGT-Euskadi sindikatuko afiliatua zen, eta hau da 48 ordutan gertatzen den bigarren lan istripu larria.

Istripua gertatu bezain pronto lantegiak bere jarduna eten egin du gaur goizeko 6ak arte, eta altzairutegia itxita mantenduko dute bihar arte. Lan-ikuskaritzak eta Osalanek istripuaren berri jaso dute eta enpresak berak barne ikerketa bat ireki du gertatutakoa azaltzeko.

Langileek protesta elkarretaratzea deitu dute gaur egurdirako, 12:30etatik 13:30etara, hain zuzen ere. Enpresako langileen komiteak lan-ezbeharren kopuru handia gaitzetsi egin du eta “neurri urgenteak eta berehalakoak” hartzeko eskatu diote enpresari.

Aitor Carnero langilearen hileta Amurrion izango da arratsaldeko seiretan, Santa Maria elizan.

 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide