Industria eolikoen gaineko erakusketa Bañueta kiroldegian

Erabiltzailearen aurpegia

Mendiak Aske taldeak, Zanpazu Bizirik herri plataformaren eta Mendiko Lagunak taldearen laguntzarekin Amurrioko Bañueta kiroldegian jarri duen argazki erakusketa datorren apirilaren 10era arte egongo da ikusgai.

Mendiak Aske taldeak, Zanpazu Bizirik herri plataformaren eta Mendiko Lagunak taldearen laguntzarekin Amurrioko Bañueta kiroldegian jarri duen argazki erakusketa datorren apirilaren 10era arte egongo da ikusgai. “Eolikoak bai, baina ez horrela” erakusketa honekin industria eolikoaren eraginak argazkitara bildu nahi izan dituzte eta “mendiak industrializatu nahi dituzten interes ekonomikoak” salatu: “Mendiak Aske plataforma energia berriztagarriak era arrazional batean kokatzearen alde dago eta zentzu horretan bat egiten du Araba, Gipuzkoa eta Bizkaiko Diputazioek sinatutako txostenarekin non mendietan haize errotarik ez jartzea eskatzen duten. Araba aukeratu dute triskantza izugarri hau egiteko, 14 zentral eolikoa jarri nahi dizkigute gure mendietan eta ez gaude prest hau onartzeko. Horregatik mobilizatzen gara Diputazioaren aurrean ostiralero arratsaldeko zazpietan”.



Erakusketara hurbiltzen diren pertsonak, argazkiak tamainu handian ikusteaz gain, etxera eraman hal izango dute Mendiak Aske taldeak berariaz prestatutako CD bat. Euskarri honetan proiektu eoliko hauen gainean duten iritzia plazaratzen dute hainbat argazki eta bideo montaiaren bidez.




Bestalde, joan den aste honetan Zanpazu Bizirik herri-plataformak hainbat ekitaldi antolatu ditu Aiaraldean desarrollismoa eta eolikoak gaitzat hartuta. Honela, martxoaren 22an Laudion ospatutako hitzaldian (“Aiaraldeako Mendiak mehatxupean”) herri plataforma honek gure eskualdean industria eolikoak ezarri nahi dituen haizerrrotak izan zituen mintzagai. Martxoaren 25an, Iñaki Urrestarazu Udala Euskal Herriko Unibertsitateko irakasleak desarrollismoa izan zuen mintzagai Laudioko Gaztetxean. 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide