18:00etan abiatuko dira borrokak eta eskualdeko hainbat kirolari igoko dira ringera, amateur zein profesionalen kategorietan. Izan ere, Uxue Sarraga Manterola, Irene Martinez, Julen Aldama eta Ibai Ruiz K-1 diziplinan arituko dira. Aratz Garmendiak, ordea, MMA praktikatuko du.
Bederatzi borroka izango dira guztira eta 5 norgehiagoka egongo dira aurkari palestinarrekin. Sarrerak 15 euro balioko du aurretik eta 18 egun berean.
Ibai Ruiz eta Aratz Garmendia, denboraldiko une beroenean
Eskualdeko bi borrokalari profesional horiek maiatza oso bizia izaten ari dira. Aratz Garmendiak larunbatean garaipen berria eskuratu zuen Donostian. KOz irabazi zion Alejandro Juradori Atanoko frontoian, hemen ikus daitekeen moduan. AFL 15 borrokaldian izan zen, MMAko erreferentziazko ikuskizunean.
Bestalde, Ibai Ruizek ere erronka garrantzitsua izango du asteburu honetan. Mix Fight 36 borrokaldian Gustavo Joao izango du aurrean K-1 kirolean. Berak adierazi duenez, zaila da Bilboko Bizkaia frontoiko lehia, baina espero du berri onak ekartzea eskualdera.
Dani Tojo
Bestalde, azken orduko aldaketen ondorioz, Dani Tojo borrokalari laudioarra ere Mix Fight 36 borrokaldian arituko da. Luigi Arana izango du aurrean. Azken uneko proposamena izan denez, pisua galtzeko ahalegin handia egiten ari da.