Amurrio

Maiatzaren 29 eta 30ean Alebinetako Futbol 7ko XIII. Torneoa Amurrion.

Urtzi Mayo 2010-05-23 11:25  Amurrio

Datorren asteburuan Amurrioko “El Refor”-eko kirol instalazioetan, Futbol 7ko XIII. Torneoa burutuko da. Bertan 16 taldek hartuko dute parte eta guztira 300 bat futbolari jokatuko dute. Torneoa Kaskagorri Futbol Taldeak antolatuko du, Amurrioko Udala, Amurrio Etorkizuna Futbol Taldea eta Amurrio Clubeko laguntzarekin.

Udalak mugak egiaztatzeko batzorde bat sortuko du

Jon Apodaka Saratxo 2010-05-21 08:45  Amurrio  Amurrio: Baranbio  Amurrio: Larrinbe  Amurrio: Saratxo

Baranbio, Larrinbe, Lezama eta Saratxo herrietako mugak zehaztuko dira, beharrezko mugarriak jartzeko nahiarekin.

Aipatutako batzordeak hainbat bileraren bidez mugarri bakoitzaren kokapena zehaztu edota mugarri berriak kokatzeko lekuen kokapena ezarriko du. Horrela, akta bete eta mugarrien lotura-lerroa deskribatuko da. Herri bakoitzaren batzordekideez aparte udaleko arduradun batek eta Arabako Foru Aldundiko Mendi Zerbitzuko basozain batek ere parte hartuko dute jarduera horretan.

Biodibertsitateari buruzko jardunaldiak

Garrastatxu Landaluze 2010-05-20 08:15  Amurrio

Biodibertsitate Biologikoaren Nazioarteko urtea den honetan, Amurrioko udalak biodibertsitateari buruzko jardunaldi batzuk antolatu ditu egun hauetan.

Atzo, maiatzak 19, Euskal Herrian saguzarrak kontserbatzeko arazoen inguruko hitzaldia eman zuen Biologian Doktorea eta E.H.U-ko zoologiako irakaslea den Joxerra Aihartzak.

Gizon bat atxilotua bere bikotea laban batekin erasotzeagatik

Jon Apodaka Saratxo 2010-05-19 11:45  Amurrio

Gertaera arratsaldeko bostak aldera izan zen, anbulatoriotik emakume bat arma zuriz zauritua zegoela Ertzaintzara helarazi zuten. Poliziek anbulatoriora bertaratu eta emakumeak zilborrean ebaketa zauria zuela egiaztatu zuten.

Hortik gutxira, ertzaintzak inplikatua osasun zentrotik hurbil topatu zuen eta gizonak bere emaztearekin ezbataidatu zuela esan omen zuen. Egiaztapen ezberdinak egin ostean, gizona atxilotua izan zen. Poliziek etxebizitzara joan eta gertaera eman zeneko bizitokian erasoan sumagarria den labana topatu zuten.

Kexa eta iradokizunen formularioa eskuragarri dago Udalan

Jon Apodaka Saratxo 2010-05-19 06:51  Amurrio

Kexa eta iradokizunen formularioa dago eskuragarri Amurrioko Udalan

Formulario hau Udaletxean edota formatu elektronikoan www.amurrio.org webgunean aurkitu daiteke.

Lan tresna berri honen bidez  udaletxera helarazten diren zenbait iradokizun eta kexen tramiteak bizkortzea lortu nahi dute. Ekimen hau 2009. urtean auzo batzarrek proposatu zuten zeren eta hainbat obra eta matxuren konpontzea asko atzeratzen zen udaleko langilei iradokizunak azkartasunez ez zitzaielako heltzen.

Amurrioko Ezker Abertzaleak hileta zibilak egiteko lokal bat egokitzea eskatu dio Udalari.

Miren Ayesa Aranoa 2010-05-18 21:57

Amurrioko Ezker Abertzaleak mozio bat aurkeztu du Amurrioko Udalean hileta zibilak egiteko udal lokal bat egikotzea eskatuz. Izan ere, gizartean erakundeek pertsonen eta elkarteen askatasun ideologikoa, erlijiosoa eta gurtzarako askatasuna bermatu behar dutela pentsatzen dute.

Eli Pinedo Itxakoko eskubaloilari amurrioarrak taldea utzi du

Izar Mendiguren Cosgaya 2010-05-18 11:14   Kirola

Lizarrako (Nafarroa) taldearekin bigarrenez, ABF liga irabazi ondoren Eli Pinedo eskubaloilari amurrioarrak Itxako taldea utziko duela iragarri du. "Patri -ahizpa- eta ni oso pozik gaude Liga irabazteaz, denboraldi berean hiru titulu irabaztea amets bat da. Ezin da gehiago eskatu". Izan ere, ligaz gain Superkopa eta Erreginaren Kopa ere eskuratu dute aurten.  Prentsari adierazi dionez, duela hiru urte laugarren postuan hartu zuen taldea, lehenengo postuan utzita alde egingo du.