aiaraldea.eus

Arrankudiaga-Zolloko auzoetako batzarrak berriro martxan

Erabiltzailearen aurpegia Unai Gorostizaga  Arrankudiaga-Zollo

Abenduan zehar, udaleko ordezkariek herriko auzo ezberdinetako herritarrekin batzartzeko aukera izan dute. Kexa, kezka edota ekarpenak jasotzeko diren batzar hauetan alkatea eta zinegotziak izan ditugu dinamizatzaile. Lehenengo batzarra Atxeta eta Zuluagako auzotarrekin izan zen; gero, Uribarri, Goizaga, Otxanduri, Osantzar, Arene eta Zubikoko auzotarrek ere aukera izan dute euren kezkak azaltzeko. Guztira lau batzar egin dira eta, orokorrean, partaidetza oso ona izan da, izan ere, 15-20 auzotarrek parte hartu dute egindako batzar bakoitzean.

Abenduan zehar, udaleko ordezkariek herriko auzo ezberdinetako herritarrekin batzartzeko aukera izan dute. Kexa, kezka edota ekarpenak jasotzeko diren batzar hauetan alkatea eta zinegotziak izan ditugu dinamizatzaile. Lehenengo batzarra Atxeta eta Zuluagako auzotarrekin izan zen; gero, Uribarri, Goizaga, Otxanduri, Osantzar, Arene eta Zubikoko auzotarrek ere aukera izan dute euren kezkak azaltzeko. Guztira lau batzar egin dira eta, orokorrean, partaidetza oso ona izan da, izan ere, 15-20 auzotarrek parte hartu dute egindako batzar bakoitzean.
Datozen egunetan, Gabonetako etenaldia pasa eta gero, auzoetako batzarrak martxan jarriko dira berriro. Falta diren auzoak eta proposatu den egutegia hurrengo hau da:
Arbide, Gastaka eta Zabaltzar: Urtarrilaren 12an, 19:00etan udaletxean
Bidekurtze, Elexalde, Garondo, Goizarri, Iberlanda, Telleri, Zabale eta Zelaiko:  Urtarrilaren 15an, 12:00etan Gizarte Etxeko areto nagusian
Bakiola, Labeko, Ormaetxe eta Zubitxueta: Urtarrilaren 22an, 12:00etan Gizarte Etxeko areto nagusian
Zolloko bileraren eguna Zolloko Juntak zehaztuko du.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa