Arrankudiaga-Zollo

Irailean zabalduko daurie Arrankudiagako haur eskola

Garazi Abrisketa 2010-06-11 13:44  Arrankudiaga-Zollo

Inguruko herrietan bezala Arrankudiagan be haurreskola zabalduko daurie. Irailean, ikasturte barriagaz batera, zabalduko dauz ateak. Hamar umerentzako lekua dauko lokal barri honek, baina beste bi ume sartuteko aukera be eukiko dau. Gaur amaituko da matrikuletako lehenengo aukerea, halanda be irailerako eta urrirako beste epe bat zabalduko da.

Haurreskola plazan barritu daurien lokal batean egongo da, eskolaren alboan. Obrak 234.000 euro kostau dauz eta Diputazino, Eusko Jaurlaritza eta E Planaren dirulaguntzak jaso dauz.

Kultur proposamen oparoa asteburu honetan Arrankudiagan

Garazi Abrisketa 2010-05-28 13:52  Arrankudiaga-Zollo

Asteburu honetan Arrankudiagara ez hurbiltzeko aitzakiarik ez dago, izan ere hainbat ekintza ezberdin antolatu dituzte gaurtik hasita domekara arte.

Alde batetik gaur iluntzeko 7etan KONTU KANTOI ipuin kontalarien istorioak entzuteko parada edukiko dugu Gizarte Etxean eta ondoren bakoitzak etxetik ekarritako afaria elkarbanatu eta tripa ondo betetzeko aukera egongo da.

Gizarte Etxeko musika eskolak Euskal Herriko Kantu txapelketan hartuko du parte

Garazi Abrisketa 2010-04-14 16:40   Kultura  Arrankudiaga-Zollo

Zollo eta Arrankudiagako hainbat haur eta gaztek aurtengo Euskal kantu txapelketan hartuko dute parte. Lehenengo kanporaketa, Apirilaren 24ean izango da, Ugaon (Bizkaian). Euskal kantuzaleen elkarteak edizio berezia prestatu du 25. urtemuga ospatzeko. Bertan, bai nagusiak eta baita haurrak ere data beretsuetan leihatuko dira. Kanporaketetan bi kategoriak entzuteko aukera izango den arren, kantuzaleek bi final desberdin izango dituzte gozatzeko, Barakaldo eta Gernikan. Halan da be, final horietara heltzeko bi kanporaketa gainditu beharko dituzte.