Gazteak laneratzeko eta gizarteratzeko Txertatu programa abiatuko dute Garapen Agentziek

Erabiltzailearen aurpegia Aitor Fernandez de Pinedo   Ekonomia

Gazteak laneratzeko eta gizarteratzeko Txertatu programa abiatuko dute Garapen Agentziek

Laudioko Garapen Agentziak, Amurrio Bidean eta Urduñederra tokiko garapen agentziek gazteak laneratzen eta gizarteratzen laguntzeko bideratuko duen Txertatu programa abiatuko dute datozen bi urteetan. EAEko tokiko garapen agentziak biltzen dituen Garapen Elkartearen bidez egingo dute.

Laudioko kasuan 30 eta 35 plaza artean eskainiko dituzte parte-hartzaileen profil eta premiei egokitutako ibilbideko prestakuntzan.

Udala gertu dago zorra mugatzeko konpromisotik

Erabiltzailearen aurpegia Izar Mendiguren Cosgaya   Ekonomia

Udala gertu dago zorra mugatzeko konpromisotik

Maiatzeko udalbatzan landu ziren gaien artean, apirilean alkatetzan hartutako ebazpenen berri ematea, Bizkaiko Foru Aldundiak eskatutako Doitze Plana dela-eta udaleko idazkari kontu-hartzaileak egindako txostena eta instituzioko zorraren egoera, hondakin organikoko frakziorako bosgarren edukiontzia akordioa eta Bilbo-Urduña arteko bidegorriaren inguruan EH Bilduk aurkeztutako mozioa jorratu ziren.

Amiantoak hildako Kepa Galdos udal langilearen epaiketa ekainaren 13an izango da

Erabiltzailearen aurpegia Erredakzioa   Ekonomia  Laudio Elkarretaratzea egin zuten Kepa Galdos udal langile ohiaren senideek astelehenean Laudioko udaletxearen aurrean. 2012an hil zen Galdos amiantoagatik, eta familiak salatu du udal-gobernuaren partetik baztertuak sentitu direla. Udal-gobernuak ez zuen familiaren mozioa udalbatzan eztabaidatzea onartu, gaur ospatu den batzorde monografikoa horretarako esparru egokiena dela argudiatuta.

23.178.853 euroko aurrekontua onartu zuten atzo

Erabiltzailearen aurpegia Erredakzioa   Ekonomia  Laudio

23.178.853 euroko aurrekontua onartu zuten atzo

Maiatzaren 30ean egin zen Laudioko udalbatza eta bertan onartu zituzten aurtengo aurrekontuak; EH Bildu eta EAJ alderdien babesari esker egin zuten aurrera. 

PPk eta Omniak aurka bozkatu zuten eta PSE-EE, aldiz, abstenitu zen. Omniak kritikatu zuen aurrekontuen proposamena itxi zutela EH Bilduk eta EAJk.

EH Bilduk, ordea, kritikatu zuen Omniak eta PSE-EEk ez dutela ekarpenik egin. Berez, Herriaren pilota elkarteko ekarpena jaso dute bakarrik; Laudioko herrigunean frontoia egiteko aukerak aztertzeko eta proiektua gauzatzeko 21.700 euro erabiliko dira horretarako.

Aduanaren oraina eta geroa; datorren astean plazaratuko dute lizitazio berria

Erabiltzailearen aurpegia Urduñako udala   Ekonomia

Aduanaren oraina eta geroa; datorren astean plazaratuko dute lizitazio berria

2013ko urtarrilean, Aduana Hotel Bainuetxea kudeatu zuen enpresak udalari milioi bat euro inguru erreklamatzeko prozedurari ekin zion, Aduanako esplotazioak kalteak eta aurreiritziak eragin zizkiola iritzita, legionella dela eta eraikinak jasandako hainbat itxieren kargu eginez.

Urduñederra, gutxi gora behera 75.000€ ordaintzera kondenatua izan zen eraztunen eta ACS loturen itzuleragatik eta estolda-zulo batzuk ur termalen guneko lurrean, aire irteeran, kokatzeagatik, kopuru eskasa hasierako erreklamazioarekin alderatuz.

Laneratzea sustatzeko programetan 10 pertsonek parte hartu dute aurten

Erabiltzailearen aurpegia Erredakzioa   Ekonomia  Amurrio

Laneratzea sustatzeko programetan 10 pertsonek parte hartu dute aurten

Lana sustatzeko Amurrion burutu diren programetan epe luzeko hamar langabe aritu dira trebakuntza jasotzen eta lanean.

Amiantoak Kepa Galdós hil zuela aitortzeko eskatuko diote senideek udalbatzari, epaiketa baino lehen

Erabiltzailearen aurpegia Erredakzioa   Ekonomia  Laudio

Amiantoak Kepa Galdós hil zuela aitortzeko eskatuko diote senideek udalbatzari, epaiketa baino lehen

Kepa Galdós udal langile ohia 2012an hil zen pleuran izandako minbiziaren ondorioz. Senideen aburuz, amiantoak eragin zuen gaixotasuna, osagai horrek soilik sortzen baitu mesotelioma pleurala.

Horren harira, zendutakoaren senideek mozioa aurkeztu dute maiatzeko udal osoko bilkuran eztabaidatu dezaten. Testu horretan eskatuko dute udalak aitortu dezan amiantoak Kepa Galdós hil zuela eta, aldi berean, erakundeak ardura bere gain hartzea.

Orozkoko Udalekuetan lan egiteko deialdia

Erabiltzailearen aurpegia Erredakzioa   Ekonomia  Orozko

Orozkoko Udalekuetan lan egiteko deialdia

Orozkoko Udalaren lan deialdian parte hartzeko baldintzak udalekuetan aritzeko irudian ikus daitezke.

Lantegi berria inauguratu du Tubos Reunidos enpresak Gasteizen

Erabiltzailearen aurpegia Erredakzioa   Ekonomia  Amurrio

Lantegi berria inauguratu du Tubos Reunidos enpresak Gasteizen

Iragan maiatzaren 13an inauguratu zuen Tubos Reunidos enpresak bere lantegi berria Gasteizen, funtzionamenduan jada bi hilabete inguru daramatzan arren. Tubos Reunidos eta Marubechi-Itochu Tubulars Europe enpresen arteko aliantzaren fruitua da fabrika berria. Marubechi-Itochu enpresa japoniar bat da, altzairuzko produktuen salmenten munduko liderra den talde baten parte dena (8.000 langile ditu 120 herrialdetan). Biena da fabrika, baina Tubos Reunidos da gehiengoaren jabea (% 51).

Tokiko Garapen Agentziak 577 pertsona trebatu zituen 2015ean eta legealdiko jarduna abiatu du

Erabiltzailearen aurpegia Aitor Fernandez de Pinedo   Ekonomia

Tokiko Garapen Agentziak 577 pertsona trebatu zituen 2015ean eta legealdiko jarduna abiatu du

Laudioko Tokiko Garapen Agentziak 2015-18 legealdiko Enplegurako sektore-kontseiluaren bilera zikloa abian jarri du maiatzaren 12an burutu berri den Enplegu Batzarrarekin. Aurreko legealdian eta 2015. urtean izandako jardunaren balantzea eta datozen hiru urtetarako egitasmoak izan dituzte aztergai, besteak beste, eragile sozialak, erakundeetako ordezkariak eta alderdi politikoetako ordezkarien foroan.

Tubacex eta JEZ enpresetako zuzendaritzek sindikatuekin duten jarrera salatu du LABek

Erabiltzailearen aurpegia Erredakzioa   Ekonomia  Aiaraldea

Tubacex eta JEZ enpresetako zuzendaritzek sindikatuekin duten jarrera salatu du LABek

LAB sindikatuak oharra zabaldu du salatzeko Tubacex eta JEZ enpresetako presidenteek hedabideetan eginiko adierazpenak. Eskualdeko lan egoera sindikatuen intrantsigentziari egotzi zioten bi zuzendaritzek iragan astean.

LABek nabarmendu du enpresariek errua bota dietela langileen erakundeei eta ez gobernuek onartutako lan eskubideen murrizketei. Sindikatuaren aburuz, enpresen zuzendaritzen interesekin bat egiten ez dutenean, intrantsigenteak izatea leporatzen diete.

Tubacex enpresak 500.000 euro galdu ditu 2016ko lehenengo hiru hilabeteetan

Erabiltzailearen aurpegia Erredakzioa   Ekonomia  Aiaraldea

Tubacex enpresak 500.000 euro galdu ditu 2016ko lehenengo hiru hilabeteetan

Tubacex enpresak oharra kaleratu du 2016ko jardueraren balorazioa egiteko. Zuzendaritzak azaldu du 500.000 euroko galera izan dutela lehen hiruhilekoan petrolioaren inbertsioen murrizketen eta lehengaien prezioaren jaitsieragatik.

Izan ere, 121,4 milioi euroko salmentak egin ditu urtarrilean, otsailean eta martxoan, iaz baino %24 gutxiago. Edonola ere, 75 milioi euroko kontratua eskuratu du Ekialde Hurbilean hodi OCTGak ekoizteko; produktu horrekin inoiz lortutako kontraturik handiena, alegia. Apirilean hasi ziren ekoizten Amurrion.

Amurrioko Udalak 12.600.000 euroko aurrekontua onartu du

Erabiltzailearen aurpegia Erredakzioa   Ekonomia  Amurrio

Amurrioko Udalak 12.600.000 euroko aurrekontua onartu du

Atzo Amurrioko Udalak 2016 urteko aurrekontuak onartu zituen ezohiko osoko bilkuran. Herriak 12.608.991,09 euro izango ditu aurten, iaz baino 714.000 euro gutxiago. Aurrekontuen proiektuak EAJ eta PSE-EEren aldeko bozak jaso ditu, Guk Bai, PP eta EH Bilduren abstentzioak eta Orain Amurrio-Podemosen aurkako botoak.

Tuboseko espedientea hasi arren, behargin gehienek lanean jarraitu beharko dute hurrengo asteetan

Erabiltzailearen aurpegia Erredakzioa   Ekonomia  Amurrio

Tuboseko espedientea hasi arren, behargin gehienek lanean jarraitu beharko dute hurrengo asteetan

Enplegua erregulatzeko espedientea apirilaren 21ean abiatu zuen Tubos Reunidos enpresako zuzendaritzak. Hala ere, behargin gehienek lanean jarraitu beharko dute, gutxienez, maiatzaren bigarren hamabostaldia heldu arte.

Iturri sindikalek azaldu dute ekoizpena ezin dela gelditu eta eskariak bete behar dituztela. Egoerak indartu ditu ELA eta LAB sindikatuen argudioak eta jarrera, espedientearen arrazoien aurkako txostena prestatu baitzuten eta akordioa sinatzeari uko egin baitzioten.

Diru-laguntzak lortzeko landatasun maila berrikustea eskatu diote Eusko Jaurlaritzari eta Aldundiei

Erabiltzailearen aurpegia Erredakzioa   Ekonomia  Aiaraldea

Diru-laguntzak lortzeko landatasun maila berrikustea eskatu diote Eusko Jaurlaritzari eta Aldundiei

Orozkoko, Urduñako eta Amurrioko Udalek eskaera egin diete Eusko Jaurlaritzari eta Arabako zein Bizkaiko Foru Aldundiei: Landa Eremuko Garapenaren Planari dagokionez landatasun mailen sailkapenak berrikusi ditzaten. Prozesua oraindik irekita dago eta Urduñako zenbait aldarrikapen onartu dituzte, adibidez.

Landatasun mailen sailkapenak landa eremuko guneek diru-laguntzak eskuratzeko aukera errazten dute: Leader edo Erein programek banatzen dituzten laguntzak, alegia. Hori bai, horretarako gradu 1, 2 edo 3 izan behar dute, eta gehienek 4. gradua jaso dute.