Guraso euskaldunek Arraño mendira txangoa izango dute gaur

Erabiltzailearen aurpegia Aitor Martinez Ibarrola   Euskara

Guraso euskaldunek Arraño mendira  txangoa izango dute gaur

Euskararen erabilera normalizatu batetan sakontzeko sortu zen Berbalagun plana; barnean dugun hori egunerokotasunean naturaltasunez ateratzeko. Honen baitan hazi zen Gurasolagun mikroplana, gurasoei zuzendua, heziketaren hastapenetatik euskara ardatz izateko bidean. 

 

Planari lotutako ekintza desberdinak iragarri zituzten sustatzaileek eta gaur, asteazkena, Arraño mendira egingo den txangoan  parte hartzeko aukera izango dute guraso euskaldunek. Pilotak, sokak... ez dira faltako!

 

Herri Urratserako autobusa bertan behera geratu da

Erabiltzailearen aurpegia Aitor Fernandez de Pinedo   Euskara

Herri Urratserako autobusa bertan behera geratu da

Laudioko udalak, eskualdeko beste zenbait udalekin batera garatutako ekimena dela medio, Senpereko aintziran igandean ospatuko den Iparraldeko Ikastolen jaira, Herri Urratsera, joateko autobusak antolatu ditu. Maiatzaren 10eko eguerdia bitartean txartelak salgai izango dituzte 11 eurotan Udal Euskara Arloan, udaletxeko 3. solairuan, eta Laudio Ikastolako idazkaritzan.  Autobusak institutu aurretik abiatuko dira 09:15ean eta itzulera bidaian 16:30ean Senperetik.

“Euskaraz bizi nahi dut" eguna antolatzeko bilera irekia egingo da maiatzaren 2an

Erabiltzailearen aurpegia Irati Marañon Quintana   Euskara  Amurrio

“Euskaraz bizi nahi dut" eguna antolatzeko bilera irekia egingo da maiatzaren 2an

Amurrioko Udaleko Euskara Batzordeak deituta, “Euskaraz bizi nahi dut" eguna antolatzeko bilera irekia egingo da asteazkenean, maiatzak 2, udaletxean, 19:30ean.

Egun horrek euskararen erabilera izango du ardatz, eta ekainaren 2an egiteko asmoa dutela jakinarazi digute Euskara Zerbitzuko arduradunek.

Bileran, bada, interesa duten herriko eragile eta norbanako guztien ekarpenak entzun nahi dituzte, egun horretako egitaraua zehazten lagun dezaten.

Langile euskaldunentzako zerrendak sortuko ditu udalak

Erabiltzailearen aurpegia Irati Moreno   Euskara

Langile euskaldunentzako zerrendak sortuko ditu udalak

Udaleko euskararen arlokoek langile euskaldunentzako lan zerrendak egingo dituzte.  Zerrenda hauek  umeekin lan egin nahi dutenen pertsonen artean egingo dituzte. Hala nola, aisialdirako begiraleekin, eskola partikularreko irakasleekin, kirol begiraleekin, saio aurkezleekin eta ume-zaintzaileekin.

Elkarlan akordioa sinatu du Aiaraldea Komunikazio Leihoak eskualdeko Udalekin, Aiarako Kuadrillarekin eta euskalgintzako taldeekin

Erabiltzailearen aurpegia Gartzen Garaio Atxurra   Euskara  Aiaraldea

Elkarlan akordioa sinatu du Aiaraldea Komunikazio Leihoak eskualdeko Udalekin, Aiarako Kuadrillarekin eta euskalgintzako taldeekin

Euskara normalizatzeko helburua duen elkarlan hitzarmenak egundoko babesa jaso du, ordezkaritza duten alderdi politiko guztietako ordezkariek babestu baitute ekimena.

Aiaraldea Komunikazio Leihoak bultzatuta euskara komunikaziogintzan jendarteratzeko epe luzerako elkarlan eta konpromiso hitzarmena sinatu dute eskualdeko instituzio guztiek eta hainbat euskara elkarteek  (ikus zerrenda ezkerreko zutabean) “hizkuntzaren normalizazioak horren beharrezko dituen Euskarazko Komunikabideen sustapenarekin konpromiso sendoa adieraziz”.

Apirilaren 21ean Laudioko Institututuko D ereduaren 30. urteurrena ospatuko da.

Erabiltzailearen aurpegia Angela Rico   Euskara  Laudio

Apirilaren 21ean Laudioko Institututuko D ereduaren 30. urteurrena ospatuko da.

Aurten 30 urte beteko dira D eredua  Laudioko Institutuan ezarri zenetik. Horren harira, eta euskaldunen jatearen eta edatearen tradizioa jarraituta, institutuak bazkari bat antolatu du.

80. hamarkadaren hasieran Laudion Batxilergoa, orduan BBB izenez ezagutzen zena,  euskaraz egiteko aukerarik ez zegoen, hau da, ikasleek ez zuten euren ikasketak euskaraz jarraitzerik. Ikasle horiei irtenbide bat emateko asmoz, Batxilergoa euskaraz ikasteko lehenengo taldea sortu zen Laudioko Institutuan. Izan ere, aintzindaria izan zen gure inguruetan.

"Puntatik puntara, Artziniega euskaraz!", bideoklopa, lehiaketaren puntan

Erabiltzailearen aurpegia Izar Mendiguren Cosgaya   Euskara

"Puntatik puntara, Artziniega euskaraz!", bideoklopa, lehiaketaren puntan

Artziniegako Berbalagunek egindako "Puntatik puntara, Artziniega euskaraz" lanak bideokopla lehiaketa irabaz lezake. Hamazazpi talde ari dira lehian, eta facebooken zein AEKko Berbalagunen blogean bozka gehien lortzen duen bideoak irabaziko du. AEK eta Euskal Herriko Bertsozale Elkarteak elkarlanean antolatu dute txapelketa. 

Liburuz betetako maletak, "Bularretik mintzora" programaren eskaintza berria

Erabiltzailearen aurpegia Gartzen Garaio Atxurra   Euskara  Laudio

Liburuz betetako maletak, "Bularretik mintzora" programaren eskaintza berria

Laudioko Udalaren Euskara Arloak ume txikiengan euskarazko irakurzaletasuna sustatzeko abian jarritako "Bularretik Mintzora" programak eskaintza berria plazaratu berri du; irakurketa maletena hain zuzen ere. Udal Bibliotekan, liburuz beteriko maleta berriak eskaintzen dira etxera maileguan eramateko.

Bai euskarari Ziurtagiriak Laudioko euskararen normalizazioa sustatzen jarraitzen du.

Erabiltzailearen aurpegia Iñaki Ibarrola Atxa   Euskara  Laudio None
Ziurtagiriaren Elkarteak Laudioko udaletxeko pleno aretoa euskararen arnasgune bilakatu zuen abenduaren 15ean. Bertan, udalerriko hogei enpresek, komertzioek eta guztietako entitateek Bai Euskarari Ziurtagiria jaso dute. Banaketa ekitaldiaren aurretik, berriz, hogeita hamar bat herritarrek Laudioko Mintzodromoaren lehenengo edizioan parte hartu zuten. Ziurtagiriaren Elkartea eta Laudioko Udala elkarlanean aritu dira bi ekitaldiak antolatzen. Ekitaldian, Udaleko ordezkariak eta Rober Gutierrez Ziurtagiriaren Elkarteko zuzendaria izan dira.

JEZeko euskara planak 10 urte bete ditu

Erabiltzailearen aurpegia Irati Moreno   Euskara

JEZeko euskara planak 10 urte bete ditu

2001 urtean JEZeko euskararen egoera neurtzeko diagnostiko bat egin zuten eta 2002 urtean ekin zioten euskararen normalizazio plana garatzeari. Hamar urte pasa dira jada euskara plana garatzen hasi zirenetik.

Horren harira hainbat ospakizun egin nahi dituzte. Enpresak aurrerago emango du horren berri. Guzti honen informazioa aldizkaari berri batean argitaratu dute, beste hainbat albisteekin batera. Aldizkari honen izena JEZ Berri da. Oraingoz 29 ale kaleratu dituzte.

Aiaraldea Komunikazio Leihoak eta beste 18 tokiko komunikabidek Tokikom enpresa sortu dute

Erabiltzailearen aurpegia Gartzen Garaio Atxurra   Euskara  Aiaraldea

Aiaraldea Komunikazio Leihoak eta beste 18 tokiko komunikabidek Tokikom enpresa sortu dute

Topagunea Euskara Elkarteen Federazioko bazkide diren 19 hedabidek eta Topaguneak berak TOKIKOM enpresa sortu berri dute. Enpresaren eratze ekitaldia larunbatean Eskoriatzako HUHEZI fakultatean egin zen. 19 hedabide hauen artean aurkitzen da www.aiaraldea.com web-gunea kudeatzen duen Aiaraldea Komunikazio Leihoa elkartea. Tokikom enpresaren eraketak tokiko hedabideek 2009an hasitako bideari jarraipena ematen dio eta tokiko hedabideen etorkizuna elkarlanean diseinatzeko tresna izateko helburua du.

Haurrentzako ludoteka eskainiko du Aspaltza Euskara Elkarteak Aste Santuko oporraldian

Erabiltzailearen aurpegia Irati Marañon Quintana   Euskara  Amurrio

Haurrentzako ludoteka eskainiko du Aspaltza Euskara Elkarteak Aste Santuko oporraldian

Bi txanda izango dira: bata, Aste Santuan, apirilaren 2tik 4ra, eta, bestea, Pazko Astean, apirilaren 10etik 13ra.

Halaber, txanda bakoitzaren barruan, gurasoek hobeto datorkien ordutegia aukeratu ahalko dute:

-10:00etatik 13:00etara

-11:00etatik 13:00etara

-15:00etatik 17:00etara

-17:00etatik 19:00etara

Matrikularen prezioa 10 eurokoa da, Pazko Asteko lehen txanda (10:00-13:00) salbu, horretan prezioa 15 eurokoa izango da-eta.

Ludoteka, elkarteak Aiara etorbideko 7. zenbakian duen lokalean eramango da aurrera.

Berbalagun taldeak Pagolarrera irteera antolatu du iganderako

Erabiltzailearen aurpegia Angela Rico   Euskara  Laudio

Berbalagun taldeak Pagolarrera irteera antolatu du iganderako

Martxoaren 11rako, hau da, datorren iganderako, Laudioko Berbalagunek plan erakargarria proposatzen dute. Izan ere, Pagolar (721 m) mendira igotzeko txango bat antolatu dute.  Plan hobezina sasoian jartzeko eta mingainak euskaraz astintzeko. Bestalde, astebururako eguraldiaren iragarpenak onak dira.

Ekimena Laudioko Berbalagun talde baten eskutik dator, eta epe laburrera begira taldeak inguruko beste menditara   irteerak egiteko asmoa ageri  du. Beraz, igandekoa zerrenda luze baten hasiera izan liteke.

Udaberriko kultur zirkuitu berria Topagunearen eta euskara elkarteen eskutik

Erabiltzailearen aurpegia Enara Biguri   Euskara  Aiara  Aiaraldea  Amurrio  Laudio  Aiara: Arespalditza  Aiara: Erretes Lanteno  Aiara: Menagarai

Udaberriko kultur zirkuitu berria Topagunearen eta euskara elkarteen eskutik

Aiaraldeko Kultur Zirkuituaren baitan udaberrirako hamaika ekintza eskainiko dira Laudio, Amurrio, Lanteno, Menagarai eta Arespalditzan. Martxoaren 18an hasita eta 27ra arte pailazoak, hitzaldiak, film laburren zirkuitua eta ipuin kontaketak izango ditugu gurean.