Ehundik gora izango dira Udan Euskarazen parte hartuko duten haurrak

Erabiltzailearen aurpegia Nekane Garcia Madaria   Euskara  Urduña

Ehundik gora izango dira Udan Euskarazen parte hartuko duten haurrak

Badator uda eta horrekin batera aisialdia euskaraz aritzeko aukera. Urtero legez Urduñan udan euskaraz eta udako ludoteka proiektuak egiten dira uda partean. Aurten uztailaren 1an hasiko dira eta uztailaren 23an amaitu egingo dira ondorengo ordutegiarekin: goizeko hamarretatik eguerdiko ordu batera. Bi Proiektu hauek Urduñako Herri Ikastetxean egiten dira eta herriko haur guztiek parte hartu dezakete.

 Guztira hiru aste izango dira tailerrez, txangoz, jolasez disfrutatzeko aukera paregabea. 

Araba Euskaraz Laudion izango da 2011n

Erabiltzailearen aurpegia Irati Mendiguren Cosgaya   Euskara

Araba Euskaraz Laudion izango da 2011n

2011rako lekukoa hartu du Laudio Ikastolak. Joan den igandean Agurainen izan zen jai handian jakinarazi zuten publikoki, Luis Javier Garcia Zuzendariaren ahotik. Jada sei urte igaro dira Araba Euskarazen jaia aiaraldetik kanpo, eta datozen hileetan, zeregin ugari egongo dira dudarik gabe jai egun honen antolaketan. 

2005ean Amurrion izan bazen ere, Laudiok 2000 urtean izan zuen egun hau antolatzeko parada. Hamaika urteren ostean berriro ere beteko zaizkigu herriko kale eta plazak jendez.

Gazteentzako surf ikastaroa euskarari oxigenoa emateko

Erabiltzailearen aurpegia Gartzen Garaio Atxurra   Euskara  Laudio

Gazteentzako surf ikastaroa euskarari oxigenoa emateko

Eman oxigenoa euskarari dinamikaren eskaintza berri bat dakarkigu oraingoan Laudioko Udaleko Euskara Arloak. Gazteen artean euskara sustatzeko SURF ikastaro erakargarria hain zuzen ere.

Ikastaro hau uztailean zehar egingo da Sopelako uretan eta adinaren araberako bi talde desberdindu egongo dira, egun ezberdinetan hondartzara gerturatuko direlarik. Antolatzaileek adierazi digutenez, "ezer ez dakitenentzako ikastaroak dira eta bertan utziko dizkiete jantziak, ohola eta gainerakoa".

Asteburu honetan, “Okondo Euskaraz”

Erabiltzailearen aurpegia Xabi Zalbide   Euskara

Asteburu honetan, “Okondo Euskaraz”

Ostiralean hasita eta igandera bitartean, euskarazko hainbat ekitaldi izango da Okondon . Araba Euskaraz jaialdira joateko autobusa jarri du udalak.

Haurrak arkeologiara hurbildu asmoz iritsi da "Sorginaren eskutik, zeu ere arkeologo" programa

Erabiltzailearen aurpegia Irati Mendiguren Cosgaya   Euskara

Haurrak arkeologiara hurbildu asmoz iritsi da "Sorginaren eskutik, zeu ere arkeologo" programa

 Sorgin Zapatuak programaren barruan, beste eskaintza bat da honakoa. Joan den larunbatean HISTORIAURREA arakatzen ibili baziren, datorren larunbatean ERDI AROA izango dute aztergai irteerarekin bat egin duten haur guztiek. 5 eta 12 urte bitarteko umeei zuzendutako programa da hau, eta joan den larunbatean hasitako ARKEOLOGIARA HURBILTZEKO bideak ireki ditu jada.

Euskara eta taldeari buruzko gogoeta egingo du Hogeitalau elkarteak

Erabiltzailearen aurpegia Izar Mendiguren Cosgaya   Euskara

Euskara eta taldeari buruzko gogoeta egingo du Hogeitalau elkarteak

Aiarako Hogeitalau Euskara elkarteak ostegun honetan, ekainaren 10ean, eskualdeko euskararen inguruko hausnarketa burutuko du Arespalditzako Areto Nagusian. Hogeitalau elkartea Aiarako euskaldunak biltzeko asmoz sortutako bilgunea da. Joseba elkarteko kideak adierazi du, garrantzi handiko hitzordua izango dela. Hori dela eta,  euskaltzale orori irekitako batzarra antolatu eta bertaratzeko deia  luzatu  dute: "ahalik eta jende gehien bil gaitezen".

Udan ere euskaraz

Erabiltzailearen aurpegia Garrastatxu Landaluze   Euskara  Urduña

Aurtengo udan ere Urduñako umeek oporrak euskaraz pasatu ahal izango dituzte. Izan ere, urtero bezala, haurrak 'udan euskaraz', 'badator gazteok udan' eta 'udako ludoteka' programetan apuntatu daitezke. Udararako sortzen diren talde hauen helburua, hiriko umeek aisialdi denboran euskaraz hitzegin dezatela da.

Haurrak talde hauetan apuntatzeko euskara zerbitzura jo. Epea ekainaren 18an bukatzen da.

AEK-k uda honetarako ikastaro eta barnetegi eskaintza zabala aurkeztu du: "Mihi puntan duzu"

Erabiltzailearen aurpegia Lucia Menoyo   Euskara  Aiaraldea

AEK-k uda honetarako ikastaro eta barnetegi eskaintza zabala aurkeztu du: "Mihi puntan duzu"

Uztailean, abuztuan edota irailean euskara ikasi eta praktikatzeko aukera desberdinak eskainiko ditu AEK-k, mihi puntan dagoen euskarazko hitzik esan gabe gera ez dadin. 

Ikastaro trinkoak: Etxetik hurbil euskara ikasteko eta maila ofizialak, 3. maila/EGA barne, lortzeko. Ikastaro batzuek diru-laguntzak jasotzen dituzte. 

Euskalduntze barnetegiak Egun osoan euskaraz bizitzeko. Barnetegian denetarako astia izango dute ikasleek: eskolarako, txangoetarako, ekintzetarako eta lagun berriak egiteko.

Julian Iantzi aurkezlea euskararen erabilerari buruz mintzatu zen

Erabiltzailearen aurpegia Nekane Garcia Madaria   Euskara  Urduña

Julian Iantzi aurkezlea euskararen erabilerari buruz mintzatu zen

Atzo maiatzaren 31an Julian Iantzi aurkezle ezaguna Urduñako Kultur Etxean izan zen. Bertan euskararen erabilerari buruz aritu zen bere bizipenak kontatuz.

Euskaraz jantzi da Amurrioko plaza

Erabiltzailearen aurpegia Gartzen Garaio Atxurra   Euskara  Amurrio

Euskaraz jantzi da Amurrioko plaza

Gogo eta ilusio handiz antolatutako hirugarren euskararen egunak euskaraz jantzi du Amurrioko plaza. Goizean goiz atera dira mendizaleak Izarza naturbidean hiru ordutako txangoa egitera. Bien bitartean sukaldariak lanean jarrita zeuden Juan de Urrutia plazan, eguerdiko bazkari herrikoirako menu oparoa prestatzen; pasta entsalada eta oilaskoa garagardotan.

"Euskaraz bai" eguna larunbatean Amurrion

Erabiltzailearen aurpegia Gartzen Garaio Atxurra   Euskara  Amurrio

"Euskaraz bai" eguna larunbatean Amurrion

Azkenengo urteetan egin bezalaxe, Amurrioko euskalgintza eta kultura eragile ezberdinek Euskara Zerbitzuarekin batera egitarau oparoa antolatu dute larunbat honetarako. Ohiturak elkartea, Mendiko Lagunak, Uhinak Irratia, Aiaraldea, AEK eta euskalgintzako ordezkari ezberdinek osatutako lantaldeak euskararen erabilera bultzatzeko ekintzak antolatu dituzte.

Hasi da Laudion "Pausu bat harago" euskaraz bizitzeko festa eguna

Erabiltzailearen aurpegia Gartzen Garaio Atxurra   Euskara  Laudio

Hasi da Laudion "Pausu bat harago" euskaraz bizitzeko festa eguna

Hasia da dagoeneko Laudioko euskarak pausu bat haratago jaia. Goizeko lehen orduetatik jende andana bildu da Laudioko Herriko Plazan Basalarrina kultur elkartearen hamargarren urteurrenaren karietara antolaturiko ospakizunari euren babesa emateko asmoz.

Kirikiñok, Uhinak Irratiak, Aiaraldea.com-ek eta beste zenbait eragilek montaturiko zazpi bat haimaz hornitutako enparantza kolorez bete da...kolorez eta euskaraz.

Euskara ikasteko eskaintza oparoa udan

Erabiltzailearen aurpegia Gartzen Garaio Atxurra   Euskara  Laudio

Euskara ikasteko eskaintza oparoa udan

Laudioko Udalaren Euskara sailak jakinarazi duenez, asko dira uda honetan zehar euskara ikasi ahal izateko aukerak.

Udako ikastaro trinkoak
dira akaso normalean sasoi honetan arrakasta handiena dutenak, urteko zereginak alboratu eta opor plana ikasketarenarekin lotzea ahalbidetzen dutenak. Zentzu honetan eguneko 5 ordutako barnetegien berri eman digu udalak, bai eta non/nola/zein preziotan izango diren azaltzen duen eranskina bidali ere (ikusi ezkerreko zutabean).

Autoeskoletan gidabaimena euskaraz lortzeko kanpaina abiatu du Laudioko Udalak

Erabiltzailearen aurpegia Izar Mendiguren Cosgaya   Euskara

Autoeskoletan gidabaimena euskaraz lortzeko kanpaina abiatu du Laudioko Udalak

Laudioko Udalak herriko autoeskola batzuekin lankidetza hitzarmena sinatu du ekainetik aurrera gidabaimena euskaraz eskaini ahal izateko. Felix Mugurutza Euskara Arloko teknikariak aurreratu duenez, gazteei zuzendutako sentiberapen kapaina bat garatuko dute. Egitasmoa, Laudio eta Salazar autoeskoletan burutuko da. "Aiala, Areta, Latatu, Laudio eta Salazar autoeskolekin hitz egin zen eta bostek parte hartzeko interesa azaldu zuten. Baina behin lankidetzarako baldintzak ikusita bik baino ez dute egingo aurrera: Salazar eta Laudiok".

Maiatzaren 22an "Laudion Euskarak beste pauso bat harago" jaia ospatuko da

Erabiltzailearen aurpegia Gartzen Garaio Atxurra   Euskara  Laudio

Maiatzaren 22an "Laudion Euskarak beste pauso bat harago" jaia ospatuko da

Hamar urte bete berri dituen Laudioko Basalarrina euskara elkarteak "Laudion euskarak pauso bat harago" egitasmoaren baitan jaialdia antolatu du larunbat honetarako. Jakina denez, egitasmo honek Laudion euskara normalizatzeko 653 norbanakoren eta 49 eragileren atxikimendua jaso du, besteak beste Laudioko Udalari zein herriko eragileei euskararekiko konpromiso handiagoak har ditzatzen eskatuz.