Ehunka ikasle eta irakaslek koloreztatu dute Laudio

Erabiltzailearen aurpegia Julen Solaun Martinez   Jendartea  Laudio

Laudioko ikastetxeetako ehunka ikasle eta irakaslek hartu dute parte Aratusteetako desfilean. Latiorroko ikasleek auzoaren inguruan egin dute kalejira, haiek ikustera hurbildu diren dozenaka gurasoen aurrean. Laudio Ikastolakoak, berriz, ikastetxetik atera dira eta herriko plazan izan dute arratsaldeko puntu gorena. Euskal herri kirol, aretozain eta arraunlari mozorroak eraman dituzte haurrek.

»» Ikusi argazki guztiak (42)

Okondo Eskolako elurrezko panpinak ez dira urtu eguzkiaren azpian

Erabiltzailearen aurpegia Aitor Aspuru Saez   Jendartea  Okondo

Okondo Eskolako komunitatea osatzen duten hainbat lagun atera dira gaur arratsaldean ikastetxetik herriko plazara. Elurrezko panpinen mozorroak jantzi dituzte umeek, irakasleek eta gurasoek eta guztien artean prestatutako abestiak dantzatu dituzte.

»» Ikusi argazki guztiak (47)

Zabaleko eta Amaurreko ikasleek euren mozorroak kalera atera dituzte

Erabiltzailearen aurpegia Aitor Aspuru eta Roberto Arribas   Hezkuntza  Amurrio

Zabaleko eta Amaurre ikastetxeetako ume eta irakasleek euren mozorroak erakutsi dituzte gaur Amurrioko kaleetan, goizeko hamaiketatik aurrera. Zabalekoko haurrek San Jose inguruan egin dute desfilea. Amaurrekoek, ordea, herriko plazara jo dute. Itsasoa izan dute ardatz. Izan ere, aurretik landu dute zein garrantzitsua den plastikoen kontsumoa murriztea eta birziklapena sustatzea, ozeanoak ez kutsatzeko.

»» Ikusi argazki guztiak (54)

Eguen Zuriko abestia eraman zuten atzo umeek Arrankudiagako hainbat auzotara

Erabiltzailearen aurpegia Txomin Egiluz   Kultura  Arrankudiaga-Zollo

Herriko eskolako ikasleek Eguen Zuri ospatu zuten atzo, ohitura jarraiki. Horrela, etxez etxe joan ziren herrigunetik egun horretako kanta abesten eta auzokideen donazioak jasotzen.

»» Ikusi argazki guztiak (8)

Arteko Gure Amako umeen mozorroek koloreztatu dute Artziniega

Erabiltzailearen aurpegia Aitor Aspuru Saez   Kultura  Artziniega

Arteko Gure Amako ikaslek eta irakasleek desfilea egin dute gaur eskolatik herrigunera. Hainbat senide elkartu dira ibilbidean kolorez beteriko segizioa ikusteko eta udal frontoira jo dute gero, prestatu dituzten dantzek erakarrita.

»» Ikusi argazki guztiak (73)

Tubacex enpresako lantegien sarreretan elkarretaratzeak egin dituzte berriro, hainbat aldarrikapenekin

Erabiltzailearen aurpegia Aitor Aspuru Saez   Ekonomia  Aiaraldea

Gaur ere, pasa den ostegunean bezala, elkarretaratzeak egin dituzte Amurrio eta Laudioko Tubacex enpresako lantegietan. Alde batetik, langile bati ezarritako zigorraren kontra mobilizatu dira. Horrez gain, Tubos Mecánicos Norte tailerreko beharginek lan baldintza duinak aldarrikatu dituzte, Tubacex taldearen barruan baitaude.

»» Ikusi argazki guztiak (15)

Hainbat pertsona bildu ziren Laudion eta Arrankudiagan Kanporamartxo ospatzeko

Erabiltzailearen aurpegia Julen Solaun Martinez   Jendartea  Arrankudiaga-Zollo  Laudio

Kanporamartxo ospatu zuten igande goizean Laudion eta Arrankudiagan. Laudion San Joan Astobizako baselizan egin zen, eta ehun pertsona inguru bildu ziren Gernikako arbolaren kimuaren neurketa ikusi eta ondorengo txitxi-burruntzian parte hartzeko. Arrankudiagan, berriz, bi mendi irteera egin zituzten txitxi-burruntzia baino lehen, Goikogane eta Kamarakara bata eta bestea Matxinkortara bestea.

»» Ikusi argazki guztiak (17)

Frankismoak fusilatutako biktimak omendu zituzten atzo Valladoliden, Angel Egaña gudaria barne

Erabiltzailearen aurpegia Txomin Egiluz   Historia  Arrankudiaga-Zollo

Erregimen frankistak eraildako 2.650 lagunei omenaldia egin zieten atzo Valladolideko El Carmen hilerrian. Angel Egaña gudari arrankudiagarra ere omendu zuten, bertan fusilatu baitzuten 1938an. Udalak ordezkaritza bidali zuen ekitaldian parte hartzeko.

»» Ikusi argazki guztiak (13)

50 zuhaitz landatu dituzte Urduñan, auzolanean

Erabiltzailearen aurpegia Txabi Alvarado Bañares   Jendartea  Urduña

Zuhaitzak landatzeko auzolana egin zuten atzo Urduñan. Bizilagun ugari batu ziren ekimenera, udalak eta Bitxobola talde ekologistak deituta. “50 zuhaitza landatu ziren, hainbat landa eremutan”, zehaztu du Itziar Bigurik. Alkatearen esanetan, hiru tokitatik ekarri dituzte landareak: “batzuk erosi egin dira, beste batzuk ortu batzuetatik ekarri dira eta beste batzuk, aldiz, Euskal Herriko Hazien Sareak eman ditu”.

»» Ikusi argazki guztiak (4)

Laudioko Eskola Krosak dozenaka ume erakarri ditu aurten

Erabiltzailearen aurpegia Julen Solaun Martinez   Kirola  Laudio

Arabako dozenaka umek parte hartu dute gaur goizean Laudioko Eskola Krosaren XIV. edizioan. Goiz eguzkitsu eta epelean, emakumezko infantilek egin dute lehenengo lasterketa, eta kategoria bereko gizonezkoak lehiatu dira jarraian. Probako bi lasterketa luzeenak izan dira horiek. Ondoren, alebin kategoriako neska eta mutilak abiatu dira, eta eguerdia igarota iritsi da benjaminen momentua. Dena den, lasterketa guztiak amaitzean, 2012an eta beranduago jaiotako umeentzako proba labur bat ere egon da.

»» Ikusi argazki guztiak (79)

Physis Versus Nomosen doinuek eman diote amaiera Arrastiak Faktorian zikloari

Erabiltzailearen aurpegia Txabi Alvarado Bañares   Kultura  Laudio

Dozenaka lagun bertaratu ziren atzo Laudioko Industrialdean dagoen Faktoriara Physis Versus Nomosen musikaz gozatzera. Arrastiak Faktorian zikloaren azken kontzertua izan zen talde donostiarrarena, datozen bi hilabeteetan pabilioian egingo diren obrak ez dutelako bertan emanaldirik egitea ahalbidetuko.

»» Ikusi argazki guztiak (10)

Amurrio Antzokia, Euskal Mendizaletasunaren galaren lekuko

Erabiltzailearen aurpegia Izar Mendiguren Cosgaya   Kirola  Amurrio

Euskal Mendizaletasunaren XXIV. gala ospatu zuten atzo Amurrio Antzokian. Sari ugari banatu zituzten, eta ekitaldi parte hartzailea izan zen. Amurrio Trail Taldeak eta Pirenaycak antolatu zuten, batik bat, ekimena.

»» Ikusi argazki guztiak (53)

Madrilera pentsioen hobekuntza eskatzera joan ziren erretitatuek bazkaria izan zuten atzo Urduñan

Erabiltzailearen aurpegia Julen Solaun Martinez   Jendartea  Urduña

Bilbotik Madrilera pentsio duinen eskean joan zen erretiratu talde batek bazkaria izan zuen atzo Urduñan. Otordua baino lehen, goizean, hitzaldia eskaini zuten Andra Mari ikastetxean. Eguerdian antolatu zuten bazkaria, lagunartean, La Barka txokoan. Guztira, hogei pertsona inguruk hartu zuten parte otorduan.

»» Ikusi argazki guztiak (12)

Etxaurren Krosak goizeko plan bikaina eskaini zuen atzo

Erabiltzailearen aurpegia Etxaurren Ikastolako Guraso Elkartea (Niko Berrocal)   Kirola  Aiara  Aiara: Zuhatza

Etxaurren Krosa antolatu zuten atzo berriro Aiarako ikastolako gurasoek. Adin anitzeko lasterkarientzako ibilbidea prestatu zuten Ibaguen kirol gunean eta umeek, gazteek eta helduek izan zuten aukera lehiatzeko. Eguraldia atsegina izan zen goiz osoan zehar.

»» Ikusi argazki guztiak (24)

Kintoen festa ospatu zuten atzo Amurrion

Erabiltzailearen aurpegia Erredakzioa   Kultura  Amurrio

Kintoak izan ziren protagonista atzo Amurrion. Goizetik gauera ibili ziren kalean. Elektrotxarangarekin poteoa, erromeria eta DJ emanaldia egon ziren, besteak beste.

»» Ikusi argazki guztiak (9)

Ehunka lagun bildu dira plazan atzoko lan heriotza salatzeko

Erabiltzailearen aurpegia Izar Mendiguren Cosgaya   Ekonomia  Laudio

19:00etan mobilizazioa egin dute Herriko plazan. Ehunka lagunek egin dute bat "prekarietatea hiltzailea" lelodun elkarretaratzearekin.

»» Ikusi argazki guztiak (16)

Agate Deunak makilen eta herritarren hotsak atera ditu kalera

Erabiltzailearen aurpegia Aitor Aspuru Saez   Kultura  Aiaraldea

Agate Deuna baliatuta eta ohitura jarraiki, eskualdeko lagunek makilarekin jo dute lurra, suspertu eta udaberrirako prestatu dadin.

»» Ikusi argazki guztiak (64)

Urduñatik eta inguruko herrietatik abesten egon dira kintoak

Erabiltzailearen aurpegia Txabi Alvarado Bañares   Kultura  Urduña

Urduñako kaleak eta inguruko herriak bisitatu dituzte aurtengo kintoek, bizilagunen aurrean makilen erritmora abesteko prest.

»» Ikusi argazki guztiak (8)

Interes handia sortu du Juan Ibarrola militar laudioarrari buruzko biografiaren aurkezpenak

Erabiltzailearen aurpegia Txabi Alvarado Bañares   Historia  Laudio

Ostiral arratsaldean aurkeztu zuten Juan Ibarrolaren biografia Laudioko Lamuza parkeko kasinoan. Ekitaldia oso arrakastatsua izan zen, eta antolatzaileek positiboki baloratu zuten. “Kasinoa bete beteta egon zen. Pertsona ugari zutik eta sarrerako atean zeuden, barruan jende gehiago sartzen ez zelako”, azaldu du Laudio Memoriako kidea den Jon Muñozek.

»» Ikusi argazki guztiak (16)

Dantza, musika eta jantzi koktel freskagarria eskaini du Aiara Dantza Taldeak, bigarren urtez jarraian

Erabiltzailearen aurpegia Txabi Alvarado Bañares   Kultura  Amurrio

Nahas Jolas 2 ikuskizuna taularatu zuten Aiara Dantza Taldeko kideek atzo arratsaldean Amurrio Antzokian. Bi emanaldi eskaini zituzten, bata bestearen jarraian, eta bietarako sarrerak agortu ziren. Ikusmira handia sortu zuen ikuskizunak, eta ez zen gutxiagorako: 150 dantzari baino gehiago aritu ziren oholtzan ordu eta laurden inguruko jantzi, dantza eta musika koktel freskagarria eskaintzen.

»» Ikusi argazki guztiak (178)