Bridgestonek zortzi ordenagailu eman dizkio dohaintzan Asasam elkarteari
2015-12-04 00:00
Jendartea
Basauriko Bridgestone enpresak zortzi ekipo informatiko -eskaner eta inprimagailuarekin- dohaintzan eman dizkio Laudioko Asasam Gobernuz Kanpoko Erakundeari, haiek egiten dituzten terapiak, trebakuntza programak, administrazio edo beste jarduera batzuk aurrera eramateko.
Arreta zerbitzua errazteko prozesuari ekingo dio Udalak
2015-12-01 13:32
Jendartea
Laudio
Laudioko Udalak prozedura administratiboen berrikuspena, arrazionalizazioa eta sinplifikazioari heltzeko eta herritarren arreta zerbitzua errazteko prozesua abiatu du. Atzoko udal osoko bilkuran onartu zuten aho batez.
Egitasmoa gauzatzeko, udala EUDEL-ek eta HAEE-k antolatutako herritarren arretarako zerbitzu integralen ezarpena helburu duen prestakuntza eta laguntza programan parte hartzen ari da.
Lamuza ikastetxeko horma-irudia osatzeko bilera irekiak abiatu dituzte
2015-12-01 10:30
Jendartea
Laudio
Iragan azaroaren 20an egin zen Lamuza ikastetxeko horma-irudia sortzeko lehenengo bilera irekia.
MurMURO izendatu duten proiektuaren bidez, Lamuza ikastetxearen azpian dagoen horma modu kolektiboan diseinatzea dute helburu. Elkarlanean eta partaidetzan oinarrituta, bizitza berri bat eman nahi diote espazio horri; lekua txukuntzeaz gain auzoko kultura aniztasuna islatuta utzi nahi dute bertan.
Elkartasun ekimena egin zuen Apdemak pasa den astean
2015-12-02 09:26
Jendartea
Amurrio
Apdemak salda eta pintxoak saldu zituen ostiralean bere jarduera finantzatzeko eta jakinarazteko. Horrez gain, gauean boluntarioen afaria egin zuen Arenalde jatetxean eta 70 lagunek parte hartu zuten. Afaria urtero antolatzen dute eta hitzordu horretan egunero laguntzen dutenak ez ezik lan jakin batzuk ere -bazkariak, pintxoak eta salda...- egiten dituztenak ere gonbidatzen dituzte.
Argazkiak: Apdema, Edurne Abasolo
EH Bilduk kritikatu du pertsona bakarrarentzako edoskitze gela egin duela udalak
2015-12-01 07:37
Jendartea
Amurrio
Amurrioko EH Bilduk salatu du Berdintasun Saileko 3.000 euro bideratu dituela udalak pertsona bakarrerako edoskitze gela egiteko. Kultur Etxean kokatu dute gela.
EH Bilduk aldarrikatu du amatasuna eta edoskitzea normalizatu behar direla. Horrez gain, zalantzan jarri du proiektuaren egokitasuna.
Udalak babes instituzionala eta 3.000 euro emango ditu Tindufeko errefuxiatu kanpamenduak laguntzeko
2015-11-30 11:49
Jendartea
Laudio
Urrian izandako uholdeek Tindufeko errefuxiatu kanpamenduak kaltetu zituzten. Hori dela eta urtetan eraikitako eskolak, ospitaleak eta tailerrak suntsitu eta zeuden elikagai urriak hondatu dira.
Isabel Boveda zinegotziak adierazi duenez, Udalak Saharar herriaren alde lanean diharduten lau elkarteren elkartasun eskaera jaso du. Etawasolek, Sahara Eutsik, Bizikidetasuna eta Solidaritatea Amurriok, eta SEADen Lagunen Elkarteak idatzia bidali dute errefuxiatu guneetan egoera oso larria eta laguntza behar beharrezkoa dela esanez.
“Arranoa lodi badago hegan egiten du, baina ez dizu jaramonik egiten”
2015-12-01 13:09
Jendartea
Orozko
BORJA TREMIÑO SOLATXIk (Orozko, 2000) afizio bitxi bat du: falkoneria. Etxean duen arranoarekin ehiza-esparru batera joaten da, untxi, erbi edota eperrak ehizatzera.
Arrano batekin ehizatzen duzu, arranopola! Nola lortu zenuen hegaztia?
Emakume bat Galdakaoko ospitalera eraman dute auto batek harrapatu ostean
2015-11-30 14:11
Jendartea
Amurrio
13:15ean gertatu da istripua Amurrioko Elizatik gertu dagoen errotondan. Errepidea gurutzatzen ari zen emakume bat harrapatu du auto batek. Udaltzaingoak adierazi du eguzkiak itsutu duela ibilgailuaren gidaria eta horren ondorioz jazo dela harrapaketa.
Artziniegan bizi da zauritutako emakumea eta kolpea jaso ostean lurrean geratu da. Anbulantzia batek artatu eta Galdakaoko ospitalera eraman du. Udaltzaingoak jakinarazi du bere egoera larria dela. Hala ere, bere bizitza ez dago arriskuan.
Beldur Barik Topaketetan Amurrioko gazteak ere protagonista izan ziren
2015-12-01 09:03
Jendartea
Amurrio
250 gazte inguru bildu ziren larunbat arratsaldean Amurrion ospatu ziren Beldur Barik topaketetan. Tailerrak, luntxa, kalejira etaondoren sari banaketari ekin zioten
Aiarako Koadrilako nagusien topaketa Laudion egingo da
2015-11-30 08:20
Jendartea
Laudio
Urtero bezala, Aiarako Koadrilak eskualdeko nagusien topaketa antolatuko du abenduaren 10ean. Aurtengo edizioan Laudioko hainbat leku bisitatuko dituzte. Hitzordua 10:00etatik aurrera izango da eta Lanbide Heziketa Udal Ikastetxea, suhiltzaile parkea eta udaletxea bisitatuko dituzte. Horrez gain, hamaiketakoa eta magia eta umore ikuskizuna eskainiko dute. Bazkaria 14:30ean izango da Anuntzibai Jauregia jatetxean.
Amurrioko lau bideok jaso dituzte Aiaraldea Beldur Barik lehiaketako sariak
2015-11-29 10:38
Jendartea
Amurrioko gazteak izan ziren atzo Belduk Barik lehiaketaren sari banaketaren protagonistak. Eskualdean egindako lehiaketan lau sari banatu zituzten eta laurak Amurrioko gazteentzat izan ziren.
Solastiarrek hainbat jarduera egingo du, batzar nagusia, besteak beste
2015-11-30 07:40
Jendartea
Laudio
Solastiar emakume taldeak hainbat hitzordu prestatu du abendurako. Haien artean, Batzar Nagusia, tailer bat, merkatu solidarioa eta sukaldaritza ikastaroa daude.
Abenduaren 2an 16:30ean Kultura Etxean batzar nagusia deitu du eta elkartekide guztiei irekia dago. Hurrengo egunean, 18:00etan Kultura Etxean Avillo eta Jakaranda elkarteekin batera antolatutako “Osasuna eta emakumea” ikastaroa eskainiko du.
“Compact of Mayors” agiria sinatu du udalak Euskadiko beste 9 udalekin batera
2015-11-29 08:05
Jendartea
Amurrio
Amurrioko udalak eta beste 9 herritako udalek “Compact of Mayors” sinatu dute. Ingurumena zaintzeko ahalegin handiak egiten dituzten herriek -hau da, negutegi efektuko gasen isurketa murrizten dituztenak- lortu dute “Compact of Mayors” horren parte izatea.
Euskararen jolas-gunea nolakoa izan behar duen erabaki dute haurrek Tertangan
2015-11-30 13:01
Jendartea
Amurrio
Amurrio: Tertanga
Bizkaiko Urtxintxa Eskolak kudeatzen duen Tertanga Kulturaleko "Euskararen jolas parkea" proiektuak aurrera jarraitzen du. Bertan, haurrek erabaki dute nolako jolas parkea eraiki nahi duten. Azaroaren 15ean eta 22an egindako saioetan haurrek eurek zehaztu zuten jolas-parkeak zer izan behar duen eta nolakoa izan behar duen. Haurrek marrazkiz eta plastilinaz egindako maketetan oinarrituta Abenduaren 19an auzolan eguna deitu dute antolatzaileek, haurrek irudikatutako hori errealitate bihurtzeko asmoz.
Laudioko gizon bat hil da gaur Kexaan, perretxikoak hartzen zegoela
2015-11-29 13:40
Jendartea
Laudio
Kexaan gertatu da ezbeharra, Eskorita mendiaren inguruetan, goizeko 11:00ak aldera. 70 urte inguruko gizon bat, perretxikoak hartzen ari zela, bihotzekoak jota hil da. Laudiokoa zen gizona.
Larrialdi zerbitzuak adierazi duenez, mendian bertan artatu dute gizona, baina azkenean hil egin da. Alpify sistema erabiltzen zuen eta horri esker aurkitu dute.
Zorionak Gorkari! Ideia bikaina iruditzen zait sarrera hauen zozketa. Hala ere, eta badakit ez dagoela Aiaraldearen esku, nahiko bortitza da...
»» Gorka Miguel Goikoetxeak irabazi du ...