Jendartea

Solastiarrek hainbat jarduera egingo du, batzar nagusia, besteak beste

Erredakzioa 2015-11-30 07:40   Jendartea  Laudio

Solastiar emakume taldeak hainbat hitzordu prestatu du abendurako. Haien artean, Batzar Nagusia, tailer bat, merkatu solidarioa eta sukaldaritza ikastaroa daude.

Abenduaren 2an 16:30ean Kultura Etxean batzar nagusia deitu du eta elkartekide guztiei irekia dago. Hurrengo egunean, 18:00etan Kultura Etxean Avillo eta Jakaranda elkarteekin batera antolatutako “Osasuna eta emakumea” ikastaroa eskainiko du.

Euskararen jolas-gunea nolakoa izan behar duen erabaki dute haurrek Tertangan

Erredakzioa 2015-11-30 13:01   Jendartea  Amurrio  Amurrio: Tertanga

Bizkaiko Urtxintxa Eskolak kudeatzen duen Tertanga Kulturaleko "Euskararen jolas parkea" proiektuak aurrera jarraitzen du. Bertan, haurrek erabaki dute nolako jolas parkea eraiki nahi duten. Azaroaren 15ean eta 22an egindako saioetan haurrek eurek zehaztu zuten jolas-parkeak zer izan behar duen eta nolakoa izan behar duen. Haurrek marrazkiz eta plastilinaz egindako maketetan oinarrituta Abenduaren 19an auzolan eguna deitu dute antolatzaileek, haurrek irudikatutako hori errealitate bihurtzeko asmoz.

Laudioko gizon bat hil da gaur Kexaan, perretxikoak hartzen zegoela

Erredakzioa 2015-11-29 13:40   Jendartea  Laudio

Kexaan gertatu da ezbeharra, Eskorita mendiaren inguruetan,  goizeko 11:00ak aldera. 70 urte inguruko gizon bat, perretxikoak hartzen ari zela, bihotzekoak jota hil da. Laudiokoa zen gizona.  

Larrialdi zerbitzuak adierazi duenez, mendian bertan artatu dute gizona, baina azkenean hil egin da. Alpify sistema erabiltzen zuen eta horri esker aurkitu dute. 

Urduñar berrien bizipenek Alondegia koloreztatu dute, lau egunez

Txabi Alvarado Bañares 2015-11-28 13:06   Jendartea  Urduña

“Urduñar berriak” izan dira ADRATAN etnografia elkarteak Urduñan antolatutako jardunaldien protagonistak. Lau eguneko ekimena izan zen, azaroaren 5etik 9ra bitartekoa. Alondegian egin zituzten hitzaldi eta mahai-inguru guztiak, eta aretoa txiki geratu zen, ehundik gora herritar bertaratu baitziren egunero.

Mikologia eta elkartasuna uztartu zuten

Erredakzioa 2015-11-27 13:32   Jendartea  Arrankudiaga-Zollo

Jose Mari Ibarbia mikologoak 90 espezie baino gehiago sailkatu zituen igandean Gizarte Etxean. Erakustaldi mikologikoa ez ezik pintxoak ere saldu zituzten eta lortutako dirua euskal preso politikoak babesteko erabiliko dute.

Argazkiak: Txomin Egiluz

Beldur Barik lehiaketara Aiaraldetik aurkeztutako hamabi lanak ezagutu nahi?

Erredakzioa 2015-11-26 13:03   Jendartea  Aiaraldea

Ikus-entzunezko hamabi lan aurkeztu dira EAEko Beldur Barik lehiaketara. Horietako lau Urduñan eginikoak dira. Beste zortziak, berriz, Amurrion grabatu dira. EAEn 310 lan aurkeztu dira guztira, 12-17 urte bitarteko kategorian 216 eta 18-26 urte bitarteko kategorian 94. Lehiaketako sariak larunbatean Amurrio Antzokian egingo den ekitaldian banatuko dira.

Hemen ikus daitezke guztiak:

Gizarte Etxeko boluntarioak elkartu ziren pasa den astean afaltzeko

Ixone Mendibil 2015-11-27 09:14   Jendartea  Arrankudiaga-Zollo

Gizarte Etxeak boluntarioen lanean oinarritzen du bere jarduera. Egindako lana aitortzeko eta ospatzeko laguntzaileen afaria egin zuten pasa den ostiralean.

Argazkiak: Ixone Mendibil

Emakumeen aurkako bortizkeriaren kontra mobilizatu ziren atzo eskualdeko herri gehienetan

Erredakzioa 2015-11-26 14:43   Jendartea  Aiaraldea

Artziniegan, Amurrion, Urduñan, Aiaran, Laudion, Okondon eta Orozkon elkarretaratzeak deitu zituzten atzo Emakumeen aurkako indarkeriaren kontrako nazioarteko egunaren harira. Leku batzuetan kontzentrazioa egin zuten eta beste batzuetan, horrez gain, artile ekintzak ere gauzatu zituzten. Artziniegan tratu txarren aurkako ekimena antolatu zuten, adibidez.

Argazkiak: Uxue Alberdi, Samuel Pasandin, Unai Gotxi, Xabi Zalbide, Txabi Alvarado, Naiara Otaola

Azaroak 25: Isilpetik plaza publikora

Txabi Alvarado Bañares 2015-11-25 09:52   Jendartea  Aiaraldea

Emakumeenganako indarkeria matxista salatzeko ekimenak ugaritu egingo dira datozen egunetan. Azken hamarkadetan pauso ugari eman dira eskualdean problematika hori etxeko pribatutasunetik kalera ateratzeko. Aldaketak eman dira legedian, zerbitzu publikoetan, formazioan, prebentzioan, herri mugimenduen jardueran... baina oraindik pauso gehiago eman behar direla aldarrikatzen dute emakumeen elkarteek.