Gazte Alaiak taldeak aniztasun funtzionala dutenen lagunen topaketa egingo du larunbatean

Erabiltzailearen aurpegia Erredakzioa   Jendartea  Amurrio

Gazte Alaiak taldeak aniztasun funtzionala dutenen lagunen topaketa egingo du larunbatean

Gazte Alaiak taldeak aniztasun funtzionala dutenen pertsonen jaialdi-topaketa deitu du Amurrion ekainaren 4an. APDEMAko aisialdi talde horrek egun osoko egitaraua prestatu du “Apdema: Jende irekia” lemapean.

Lagun horien gizarteratzea du helburu jai horrek, eta topaketa eta elkarbizitzarako momentua izatea nahi dute Gazte Alaiak taldekoek.

Udalak udalekuko begiraleen curriculumak jasoko ditu

Erabiltzailearen aurpegia Erredakzioa   Jendartea  Okondo

Udalak udalekuko begiraleen curriculumak jasoko ditu

Udalak epea zabaldu du udalekuetan lan egiteko. Gazteek euren curriculuma aurkez dezakete eta erakundeak bitartekari-lana egingo du. Hau da, curriculumak jaso eta enpresari emango dizkio.

Interesdunek aisialdiko begirale-titulua izan beharko dute, eta euskararen 2. HE edo altuagoa egiaztatzea edo batxilergoko ikasketak D ereduan eginda izatea.

Curriculumak udal-bulegoetan aurkeztu behar dira, ekainaren 1tik 8ra bitartean.

Aiaraldeko 12 ikastetxetan LOMCEri planto egin diote

Erabiltzailearen aurpegia Aiaraldeko Gure Hezkuntza Plataforma   Jendartea

Aiaraldeko 12 ikastetxetan LOMCEri planto egin diote

Aiaraldeko 12 Ikastetxe batu dira LOMCE legeak Lehen Hezkuntzako 3. mailarako ezartzen duen azterketari planto egiteko deialdira.

Eskualdeko ikastetxe hainbat hezkuntza komunitateko guraso, langile eta ikasle biltzen dituen Aiaraldean Gure Hezkuntza plataformaren aburuz “LOMCEren aplikazioari jarraiki Heziberri 2.020 planak agintzen duen 3. mailako azterketa ez egiteko hautua hartu dute ikastetxeek”.

Jai talde historikoak berreskuratuko dituzte aurtengo sanrokeetan

Erabiltzailearen aurpegia Lucia Menoyo   Jendartea  Laudio

Jai talde historikoak berreskuratuko dituzte aurtengo sanrokeetan

Udalak maiatzaren 13an jarri zuen epe muga herriko elkarteek jaietarako proposamenak aurkezteko. Proposamenak jaso eta maiatzaren 24an biltzar irekia egin zen egitaraua lantzen hasteko.

Egitarauari dagokionez, jai talde zahar historikoak berreskuratzearekin lotutako ekitaldiak izango dira berrikuntza nagusia. Pregoilari izateko, aurten 30 urte betetzen dituen Galtzagorri jai taldea proposatu dute, baina oraindik ez dure berretsi.

Gizon bat espetxeratu dute baserri batean lapurtzeagatik bortizkeria erabilita

Erabiltzailearen aurpegia Erredakzioa   Jendartea  Laudio

Gizon bat espetxeratu dute baserri batean lapurtzeagatik bortizkeria erabilita

Laudio eta Luiaondo artean gertatu zen lapurreta asteazkeneko ordu txikitan. Ertzaintzaren arabera, 45 urteko gizonezko batek eta 18 urteko emakumezko batek bortizkeria erabilita lapurtu zuten isolaturik dagoen baserria batean. Euren helburua izan zen biktimaren dirua eskuratzea.

Asteburuan Santa Luziako jaiak ospatuko dituzte

Erabiltzailearen aurpegia Andrea Ulloa Téllez   Jendartea

Asteburuan Santa Luziako jaiak ospatuko dituzte

Aurtengo Santa Luziako jaiak heldu dira. Ospakizunak direla eta, Laudioko udalak bi autobus jarriko ditu maiatzaren 29an eta 30ean mugikortasun mugatua daukaten pertsonentzat, aukera izan dezaten jai horietara gerturatzeko.

Igotzeko ordutegia 9etatik 10:15era izango da eta jaitsierakoa, berriz, 13:00etatik 14:00etara. Irteera Udaletxe ondoan dagoen autobus geralekuan izango da.

Udako igerilekuen denboraldiari ekingo diote ekainean

Erabiltzailearen aurpegia Erredakzioa   Jendartea  Aiaraldea

Udako igerilekuen denboraldiari ekingo diote ekainean

Aiaraldeko hainbat herrik igerilekuen udako denboraldiari ekingo diote ekainean zehar eta horretarako prestaketekin hasi dira. Herri gehienetan irailaren 11an itxiko dituzte instalazioak, Orozkon izan ezik, bertan irailaren 14ra arte zabalik egongo dira eta. 

Laudio

Laudion ekainaren 18an ekingo diote denboraldiari. Egunero 11:00etatik 20:00etara zabalik egongo dira hilabete horietan. 

Juan Ramon Martin Menoyo laudioarrak 21 eguneko gose greba egin du Riaden

Erabiltzailearen aurpegia Erredakzioa   Jendartea  Laudio

Juan Ramon Martin Menoyo laudioarrak 21 eguneko gose greba egin du Riaden

Juan Ramon Martin Menoyo laudioarra Espainiako Enbaxadako langilea da Riaden, Saudi Arabian, eta duela 21 egun gose greba abiatu zuen salatzeko administrazioan langileek pairatzen dituzten lan baldintzak.

Laudioarrak nabarmendu du hauteskunde sindikalik ez dagoela Espainiako Administrazioan, goi karguek botere handia daukatela, gainerako langileen eskubideak urratzen direla etengabe eta diru publikoa xahutzen dela.

Amurrion sua hartu duen trenak ez du eragozpenik sortu zerbitzuan

Erabiltzailearen aurpegia Erredakzioa   Jendartea  Amurrio

Amurrion sua hartu duen trenak ez du eragozpenik sortu zerbitzuan

15:00ak aldera sua piztu da Amurrioko tren geltokian, Renfe Aldiriko zerbitzuko unitate batean, hain zuzen.

Nahiz eta trena geldirik geratu bertan, ez du zerbitzuan eraginik izango.

Auzo-batzarretarako deialdia zabaldu dute

Erabiltzailearen aurpegia Uxue Tomé Vivanco   Jendartea

Auzo-batzarretarako deialdia zabaldu dute

Artziniegako auzuneetako lagunekin izandako batzarren txandekin jarraitzeko, deialdi berria deitu du udalak, auzoko arazoei buruz hitz egiteko.

Ekainaren lehenengo egunetan elkartzea proposatu du erakundeak, ekainaren 2an (osteguna), 7an (asteartea) eta 8an (asteazkena), hain zuzen. Auzo-batzar horiek guztiak Udaletxeko Osoko Bilkuren Aretoan egingo dira.

Trukea sustatzeko azoka egingo dute maiatzaren 27an eta gauzak eramateko epea zabaldu dute

Erabiltzailearen aurpegia Erredakzioa   Jendartea  Amurrio

Trukea sustatzeko azoka egingo dute maiatzaren 27an eta gauzak eramateko epea zabaldu dute

Laugarren urtez, Amurriok trukerako merkatua egingo du maiatzaren 27an, ostiralean. Egun horretan arratsaldeko 17:00etan ekingo diote ekimenari. CDak, liburuak eta jostailuak trukatzeko aukera egongo da, herritar guztiei zabalik. 

"Otavaloko komunitatea oso anitza da eta botere harremanek gurutzatzen dute"

Erabiltzailearen aurpegia Erredakzioa   Jendartea  Urduña

"Otavaloko komunitatea oso anitza da eta botere harremanek gurutzatzen dute"

ANDREA RUIZ (Bilbo, 1973) antropologoa da eta Urduñan bizi den Otavaloko komunitatearen inguruko ikerketa egin zuen bere tesia doktoralean. Bere ondorio eta izandako harremanei buruz mintzatu da.

Tesia eta liburua argitaratu duzu Urduñako komunitate baten inguruan, ezta?

Euskara ikasteko 213 diru-laguntza eskaera jaso ditu Udalak

Erabiltzailearen aurpegia Lucia Menoyo   Jendartea  Laudio

Euskara ikasteko 213 diru-laguntza eskaera jaso ditu Udalak

Diru-laguntza jaso ahal izango dute 2015eko urriaren 1 eta 2016ko ekainaren 30 artean euskara ikastaroa egin dutenek, baita udako ikastaroak egiten dituztenek ere.

Horretarako bete beharreko baldintzak hurrengoak dira: Laudion erroldatua egotea, euskara ikastaroa akreditatutako euskaltegi edo ikastetxean egitea eta %85ko asistentzia izatea gutxienez. Ikastaroaren kostuaren erdia ordainduko du Udalak, kostuaren %100 pertsona langabetuen kasuan. 

Udaleko Haurtzaro eta Familia zerbitzuak 54 kasu kudeatu ditu 2015ean

Erabiltzailearen aurpegia Aitor Fernandez de Pinedo   Jendartea

Udaleko Haurtzaro eta Familia zerbitzuak 54 kasu kudeatu ditu 2015ean

Laudioko Udaleko Haurtzaro eta Familia zerbitzuak 54 kasu kudeatu ditu 2015. urtean. Horietatik 24 kasu berriak izan dira eta gainerako 30etan aurreko urteetan azaldutako egoeren jarraipena egin dute.

Arrisku egoera zailetan bizi diren umeen eta euren familien arretarako baliabideak eskaintzen ditu Laudioko Udalak zerbitzu horren bidez. Zailtasun eta gabeziak izanda adingabekoen oinarrizko beharrei erantzun ezinik aurkitzen diren familien arreta bideratzen du zerbitzuak eta umeen garapen fisiko, psikiko eta soziala bermatzeko laguntzak baliatzen ditu.