Leioako Ikasle Abertzaleak erakundeak salatu du Ertzaintzaren indarkeria

Erabiltzailearen aurpegia Aiarako Ikasle Abertzaleak   Politika

Leioako Campusean Ertzaintza ikasleriaren aurka oldartu da UPVren agindupean. Ikasleok, herritik eta herriaren mesedetan dagoen hezkuntza eraikitzeko pausoak ematen ari gara, eliteen mesederako unibertsitatearen merkantilizazio prozesuaren aurrean. Bide horretan, errepresioa erabiltzen ari den UPVri bost exijentzia argi egiteko manifestazioa izan da goizean Leioako Campusean:

 

1. San Mameseko ikasleen aurkako espedienteak bertan behera uztea

2. Gasteizko ikasleen kontrako neurriak atzera botatzea (adibidez UPVk Ertzaintzari ikasleak ikertzeko baimena eman izana)

3. Leioako ikasle inputatuaren aferan esku hartu eta bere egoera konpontzea

4. UPVra Ertzaintza sar ez dadin behin-betiko neurriak hartzea

5. Campusedan dauden indar polizialak kanporatzea

 

Manifestazioa errektoretzan sartzean campuseko segurtasun pribatua ikasleak jipoitzen hasi eta berehala campusean sartzeko agindua eman dio UPVk Ertzaintzari. Poliziaren jarrera oldarkorra izan da, campuseko ikasleak jipoituz eta inputatuz. Zaurituak gutxienez 15 dira eta inputatuak 5.

 

Azken hilabetetan agerikoak izan dira UPV eta Ertzaintzaren arteko elkarlanaren adierazpenak. San Mames eta Gasteizko irudiak oraindik bezperan ditugunean, UPVk Campusean sartzeko baimena eman dio berriz Ertzaintzari. Guzti honek agerian utzi du berriro, Bolognaren aplikazio garaian ikusi moduan, ereduen arteko talka honetan UPVk noren alde jarduten duen. Talka gero eta gordinagoa da. Orain arte ikasleok jasan ditugun erasoetan UPVk erantzukizun zuzena izateaz gain, gaur, Ertzaintza ikasleen aurka oldartzen zen bitartean, Errektoreordetza lotsarik gabe parean egon da begira.

 

Aski da. Utzi ikasleria bakean. Erasoen aurrean herritik eta herriarentzako hezkuntza eraikitzeko hautuan berresten gara, eraikitzeko apurtuz eta apurtzeko eraikiz.

 

Aiaraldeko ikasleok #M17Altxa!

Erabiltzailearen aurpegia Aiarako Ikasle Abertzaleak   Hezkuntza

Apurtzeko eraiki, eraikitzeko apurtu. Aldarrikapen honekin hasi genuen ikasturtea ikasle iraultzaileok. Izan ere, Euskal Herri Langilearen, zapalduon eta gure askapenaren mesedera egongo den hezkuntza eredua eraiki ahal izateko ezinbestekoa dugu LOMCE, EU2015, 3+2 edota frantziar gobernuak Ipar Euskal Herriko eskoletan inposatzen duen eredu arrotza apurtu eta indargabe uztea. Ez hori bakarrik, egungo hezkuntza eredua ere apurtzea beharrezkoa da: nazio bezala ukatzen gaituena, guztiok euskalduntzeko balio ez duena, genero dikotomikoetan hezi eta gure arteko botere harremanak normalizatzen dituena, herri jakintzak barnebiltzen ez dituena, gure auzo, herri, eskualde... etako arazoei soluzioak planteatu eta eraldaketak sortzeko balio ez duena, eta finean akritikotasuna eta memorizazioa ardatz nagusi bezala planteatuz, lan merkaturako hezten gaituena. Baina era berean, gure hezigunetan ezarria dagoen hezkuntza sistema iraganaren parte bihurtu ahal izateko ezinbestekoa zaigu herritik eta herriaren mesedera dauden alternatibak eraiki eta gaurtik martxan jartzea. Behar hau inoiz baino handiagoa da. Alde batetik, ikastetxeetan erreformen aurrean hezkuntza komunitateak argi adierazi du Euskal Herriak bere hezkuntza propioa behar duela. Guk, ikasleok, behar dugun hezkuntza ereduaren eraikuntza eta aldarrikapenean aurrera pausoak eman behar ditugu, hezkuntzan egiten diren aldaketak behingoz herriaren mesederakoak izan daitezen.

 

Bestetik, unibertsitateetan lege orokorrak ez diren beste mekanismo ugariren bidez hezkuntzaren pribatizazio eta merkantilizaziorako norabidean doazen aldaketak bultzatzen ari dira. Datorren urtean ezartzen saiatuko diren 3+2-a norabide berean kokatzen den egiturazko aldaketa garrantzitsua izango da, eta prest egon beharko gara saiakera horiek apurtzea lortzeko. 3+2 eta EU2015-aren bidez ezarri nahi duten unibertsitate ereduarekin apurtzeko ereduen talkan oinarritzen diren proiektuak eraiki behar ditugu, ikasleon antolakuntzarako espazio gero eta ugariago eta sendoagoak eraiki, eta euskaraz zein ikas baldintza duinetan ikasteko eskubideak bermatzeko baldintzak sortu behar ditugu.

Ezin dugu gehiago itxaron! Ezingo dugu boteretik inoiz heltzen ez den borondate aldaketaren zain egon! Ikasleok, guk, eraldaketaren lehenengo lerrora jauzi egin behar dugu. Hurrengo aste eta hilabeteetan ikastetxeetan kontzientziazio, formakuntza eta antolakuntza asanbladak egin behar ditugu. Unibertsitateetan prozesu parte-hartzailearen ondorioak hartu eta minimoak lortzeko borrokak finkatu behar ditugu. Ikastetxeetan otsailean zehar progresiboki gorakorrak diren ekimenak egin behar ditugu, normaldutako zapalkuntza egoera ikusarazi eta gure eredu propioaren esperientzia autogestionatuak martxan jartzeko baldintzak sortzeko. Unibertsitateetan gure apunteak, lanak, baliabideak... kolektibizatu behar ditugu, azterketen eta indibidualismo derrigortuaren aurrean, ikasleok kolektiboki elkarri lagundu eta denok batera sufritu behar dugun egoerari aurre egiteko.

Gure garaia da, ikasleriaren garaia! Erakutsi diezaiegun behingoz irakasle, guraso eta herritar guztiei ez garela infantilizatuak eta zigortuak izateko jaioak izan diren pertsonak. Erakutsi dezagun, autogestioa eta desobedientziaren bidez martxoan zehar Herri Eskolak aurrera eramateko gai garela, gure behar eta interesei erantzuten dieten jakintzak elkarbanatuz. Erakutsi diezaiogun Euskal Herriari beste unibertsitate eredu bat eraikitzea posiblea dela, eta gertatzen ari dela otsailean Gasteizen, martxoan Ibaetan, Bilbon zein Leioan , eta apirilean NUP-en eraikiko ditugun Herri Unibertsitateen bidez!

 

Igo dezagun intentsitatea eta eman ditzagun aurrerapausoak heziguneetatik klase, genero eta nazio zapalkuntzetatik askatzeko bidean. Zatiketa dikotomikoen garaian, demostratu dezagun apurtzea eta eraikitzea ez direla kontraesankor edota bateraezinak. Erakutsi dezagun ikasleok apurtzen dugunean errealitate berri bat eraikitzen ari garela! Erakutsi dezagun ikasleok eraikitzen dugunari esker egungo hezkuntza eredu grisean zirrikituak zabaltzen ditugula!

Eta altxa gaitezen denok, elkarrekin, borroka duin bezain esperantzagarri honetan, amaieraraino heltzeko prest gaudela ozen esateko! Elkartu ditzagun gure borroka, proiektu, asanblada, talde, ilusio eta indar guztiak martxoaren 17an elkarri helduta aurrera pausu bat emateko! Herriaren mesedera ez dagoen aldaketarik ezartzea utziko ez dugula esateko!

Altxa gaitezen gure ikastetxe eta unibertsitateetan! Altxa gaitezen egunero elkarren laguntzaz erreforma inposatuak apurtzeko! Altxa gaitezen egunero askeago egingo gaituzten proiektuak elkarrekin eraikitzeko! Antolatu gaitezen eta altxa dezagun Euskal Herria, Euskal Eskola Nazionala irabazteko! Ikasleok kolektiboki, apurtzeko eraiki, eraikitzeko apurtu.

Hezkuntza herritik eta herriarentzat! Ordua heldu da! Martxoak 17, altxa!

MARTXOAK 17 · 12:00 · MANIFESTAZIOA · LAMUZA PLAZA

Erreformei planto... ERAIKUNTZARA SALTO!

Erabiltzailearen aurpegia Aiarako Ikasle Abertzaleak   Hezkuntza

Erreformei planto... ERAIKUNTZARA SALTO!

Euskal Eskola Nazionalaren aldeko mobilizazioak eskualdean!

Erabiltzailearen aurpegia Aiarako Ikasle Abertzaleak   Hezkuntza

Laudioko eta Amurrioko Ikasle Abertzaleak Martxoaren 27an burutuko dugun Greba Orokorrari begira motorrak berotzen.

Ikasle Abertzaleak erakundeak eskualdean deitutako mobilizazioak

Erabiltzailearen aurpegia Aiarako Ikasle Abertzaleak Laudioko eta Amurrioko Ikasle Abertzaleak Martxoaren 27an burutuko dugun Greba Orokorrari begira motorrak berotzen.