Aiaraldeko 12 ikastetxetan LOMCEri planto egin diote

Aiaraldeko 12 Ikastetxe batu dira LOMCE legeak Lehen Hezkuntzako 3. mailarako ezartzen duen azterketari planto egiteko deialdira.

Eskualdeko ikastetxe hainbat hezkuntza komunitateko guraso, langile eta ikasle biltzen dituen Aiaraldean Gure Hezkuntza plataformaren aburuz “LOMCEren aplikazioari jarraiki Heziberri 2.020 planak agintzen duen 3. mailako azterketa ez egiteko hautua hartu dute ikastetxeek”.

Aiaraldeko 12 Ikastetxe batu dira LOMCE legeak Lehen Hezkuntzako 3. mailarako ezartzen duen azterketari planto egiteko deialdira.

Eskualdeko ikastetxe hainbat hezkuntza komunitateko guraso, langile eta ikasle biltzen dituen Aiaraldean Gure Hezkuntza plataformaren aburuz “LOMCEren aplikazioari jarraiki Heziberri 2.020 planak agintzen duen 3. mailako azterketa ez egiteko hautua hartu dute ikastetxeek”.

Eskualdeko sare publikoko eta Ikastolen Elkarteko ikastetxe guztiak batu dira plantora, 4 Laudion, 3 Amurrion, 1 Urduñan, 1 Orozkon, 1 Aiaran, 1 Arrankudiagan eta 1 Artziniegan.

Izan ere, ikastetxe gehienetan erabakia bertoko Ordezkaritza Organo Gorenean, Eskola Kontseiluan zein Artezkaritza Batzordean bideratu da eta hainbatetan 3. mailako gurasoek aho batez izenpetutako azterketen kontrako adierazpenak ere bildu dituzte.

170 ikastetxetik gora batu da planto dinamikara EAEn Hezkuntza Plataformen Topaguneak bere blogean bildutako datuen arabera.

Ekainaren 10ean ikasturte amaierako plantoa

12 Ikastetxeek agertutako plantoa irudikatuko dute ekainaren 10ean, ostirala, arratsaldeko 18:00etan Laudioko Herriko plazan egingo duten agerraldian.

Aurreko astean “Gelak hustu eta planto adierazi” dinamika bideratuko dute ikastetxeetan grafikoki ikastetxez ikastetxe plantoa adierazteko.

Ekainaren 10ean berriz, plantoa gauzatu duten ikastetxe guztietako ordezkariak bilduko dira Laudioko herriko plazan LOMCE legeak eta Heziberri planak inposatutako kalifikazio ereduaren aurrean Euskal Herrirako Hezkuntza Sistemak behar duen ebaluazio eredu propioa aldarrikatzeko.

Elkarretaratzean kale animazioa izango dute eta bildutako guztien artean norberak eramandako askaria denok batera plazan partekatuko dute ikasturte amaierako ekitaldian.

 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide