2015az geroztik abian den Laudio udalerriko adikzioen tokiko planak Derrigorrezko Bigarren Hezkuntzan, Batxilergoan eta Lanbide Heziketa zikloetan ikasten ari diren ikasleen familiei zuzendutako topaketak garatzen ari da.
Urriaren 22an burutu zuten lehen topaketa Derrigorrezko Hezkuntza ondorengo mailatan, Batxilergo eta Lanbide Heziketa zikloetan, seme-alabak matrikulatuta dituzten ikastetxe guztietako familiak berton parte hartzera gonbidatuz. Azaroaren 9an jarraipena izango du ekimenak, Kultura Etxean, 18:15etik 19:30era “Nola prebenitu familia aldetik droga arazoak eta beste adikzioak: Babesa faktoreak” titulupean eta Osadi osasunerako psikologia zerbitzuak dinamizatuta.
Izan ere droga-menpekotasunen prebetziotik haratago, teknologia berriek, ausazko joko eta apustuek zein bestelako faktoreekin lotutako adikzioak ere landuko dituzte topaketatan.
Familiekin elkarlanean
2015ean Haur eta Lehen Hezkuntzako mailatako ikasleekin hasitako adizkioen prebentziorako planak hitzaldi, topaketa eta aholkularitza lanak uztartzen ditu ikastetxeen esparruan eta oraingo fasean nerabeen familien inplikazioa ere bultzatzeko ekimenak jarri ditu abian.
“Heziketa eta prebentzio goiztiarra oso garrantzitsua da, arazoa baina nerabezaro adin tartean bizi eta bistaratzen da argiago. Pertsona autonomoak dira baina ez dute behar besteko heldutasuna erronka hauei bakarrik aurre egiteko” azaldu zuen Isabel Bovedak, Gizarte Ongizate, Osasun eta Lankidetza arloko zinegotziak ekimena aurkeztean. “Adin horietan ere familien lana oso garrantzitsua da” azpimarratu zuen.