Amurrioko Gazte Alaiak aisialdi zentroak Adimen-ezintasuna duten Pertsonen Aldeko Arabako Elkartearen festa antolatu du ekainaren 7rako. Azken urteotako ohiturari helduz Aresketa Ikastolan burutuko dute jaialdia, eta Laudio, Gasteiz eta arabar Errioxako gainerako aisialdi zentroetako kideak eta Menagarai eta Ibarrako ikastetxeetakoak bilduko dira berton. 400 pertsona inguru espero dituzte antolatzaileek aurtengo edizioan.
Amurrioko Gazte Alaiak aisialdi zentroak Adimen-ezintasuna duten Pertsonen Aldeko Arabako Elkartearen festa antolatu du ekainaren 7rako. Azken urteotako ohiturari helduz Aresketa Ikastolan burutuko dute jaialdia, eta Laudio, Gasteiz eta arabar Errioxako gainerako aisialdi zentroetako kideak eta Menagarai eta Ibarrako ikastetxeetakoak bilduko dira berton. 400 pertsona inguru espero dituzte antolatzaileek aurtengo edizioan.
Jaia 11:30ean hasiko da. Gesaltzako musika banda lagun, kalejira eta poteoa burutuko dute partaideek Amurrioko kaleetatik. 12:45 aldera Aresketa Ikastolarako bidea hartuko dute. Berton, meza, herri bazkaria eta dantzaldia prestatu dituzte. Arratsalde partean, 17:00etan, mugendo erakustaldia burutuko dute eta ondoren, odoloste jana eskainiko da.
Janire Garciak, APDEMA elkarteko landa-eremurako aisialdi teknikaria, jaiaren helburua azpimarratu du www.apdema.org web guenan: “elkartearekin harremana duten edo partaide diren gazte eta helduen arteko topagune eta elkarbizitzarako esparrua lortu nahi dugu”.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
