Diputatu nagusiak ezagutzen du enpresa hau, berrikuntzaren eta prestakuntzaren alde egiten baitu apustu, eta murgilduta baitago nazioarteko hainbat proiektutan, besteak beste Teheran, Quito, Lima eta Mexikoko Guadalajarako metroenetan.
Ramiro Gonzalez diputatu nagusiak gaur goizean bisitatu du JEZ trenbide sistemen enpresa, Pilar Garcia de Salazar diputatuordearekin batera egin ohi dituen topaketen barruan, Arabako enpresek dituzten beharrak bertatik bertara jakiteko. JEZ Laudion dago kokatuta 1948tik, munduan aitzindaria da trenbideko tresnen fabrikazioan eta altzairu urtuzko pieza moldekatuetan trenbide industriarako.
“Bertatik bertara ari gara jakiten JEZ trenbide sistemen enpresak nola gauzatu dituen Arabako enpresek etorkizuna izateko giltzarri diren alderdiak: berrikuntza, nazioartekotzea eta bere langileen prestakuntza”, azaldu du Ramiro Gonzalezek bisitaldian. JEZen aldetik, bertan zeuden Juan Carlos Sánchez zuzendari tekniko seniorra, Asier Renteria UNE fundizioaren zuzendaria eta Urtsa Errazti zuzendari nagusia, zeinak egin baititu anfitrioi lanak.