Korrika badator!

Erabiltzailearen aurpegia

Apirilaren 6an eta 7an, 20. KORRIKA izango dugu Aiaraldean. Aurten, askok eta askok eskatu izan duzuen bezala, ordu egokian igaroko da gure eskualdetik; beraz, ordua ezin daiteke aitzakia izan gure herriko kaleak ez betetzeko; euskararen zein KORRIKAren aldarria lau haizetara ez hedatzeko. “BATZUK” diogu 20. KORRIKA honetan, zergatik? Euskara hizkuntza, kultura eta mundu bat delako: bertoko hizkuntza, gure kultur izaera, eta munduan nor izateko modua.

AEK-k Euskal Herri euskalduna du helburu, askotariko mundua baitu amets. Hizkuntza eta hiztun guztiak berdintasunean biziko diren Euskal Herria eta mundua nahi ditu. Justizia kontua da: hizkuntza gutxitu baten biziraupenerako babesa eta hiztunen eskubideen defentsa. Herritar guztiok bizi behar dugulako aukera-berdintasunean egunero, plaza guztietan. Nik, hik, hark. Guk, zuk, zuek, haiek. Bat eta batzuk: nire hizkuntza, zure hizkuntza; gure kultura, gure kulturak; mundu hau, mundu hauek. Finean, hizkuntza baten alde egitea guztien alde egitea da. Baten eta batzuen munduaren alde. Kultura unibertsalaren alde.

Horrenbestez, jakin ezazue gonbidatuta zaudetela hizkuntza-berdintasunaren aldeko jaira. Mundu unibertsalagoa sortu nahi dugu. ZUK izatetik BAT izatera; hala, BATZUK asko izango gara!

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide