Euskal planeta ari da dantzan... klika!

Erabiltzailearen aurpegia

Gero eta gutxiago falta da apirilaren 4a heldu eta Garesen 21. KORRIKA has dadin. 2560 Km, 11 gau eta egun, 6 herrialde eta euskal planeta dantzan jarriko dugu!

Tartean, eta Gasteiza heldu aurretik, Aiaraldean bitan sartuko da 21. KORRIKA. Lehen aldian, Urduña eta Arrankudiagako tartea egingo du, Arespalditzatik pasatuta. Eta bigarrenean, Balmaseda eta Gordexolako tartean Artziniega izango du pasaleku.

Gure eskualdeak euskara hautatuko du KLIKA! egingo du Laudiok, Amurriok, Urduñak, Artziniegak, Okondok, Arrankudiagak, Orozkok... (Orozkok neurri batean KLIKA egin du dagoeneko, Udalerri Euskaldunen Mankomunitatearen barnean sartu eta euskaraz funtzionatuko duela ebatzi baitu).

Urratsa bada, baina oraindik nahikoa ez, gure inguruko herrietan ematen den errealitatea oso bertsua baita. Ezagutzan urratsak egin bai, baina erabileran ez da jauzi handirik izan. Arlo horretan, EUSKARALDIA bezalako ariketek balio handia dute, identifikazioa eta ekimen baten partaide sentitzea garrantzitsua izan baita guztiontzat. Orain nahi duguna da azaro-abenduko ahobizi eta belarriprestek KLIKA egin dezaten, eta gure eskualdeko herrietan aktiba daitezela berriro ere.

Balia ditzagun EUSKARALDIAren eta 21. KORRIKAren olatuak! Gure Aiaraldeko EUSKAL PLANETA DANTZAN, KORRIKA jar dezagun eta apirilaren 10 eta 11n altxa ezkerreko besoa! Klika! Antenak ditugu piztuta! Egin dezagun Klika! TTIPI-TTAPA TTIPI-TTAPA GURE ERRITMORA!

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide