61 egun

Erabiltzailearen aurpegia

Bi hilabete. Bi gertakari. Zuritik beltzera. Aktore berdinak ia. Kontestu komuna eta ulertzen zaila dirudien mezua. Bi puntuen arteko lotura sasi-kronika honetan.

Maiatzak 7

Merezimenduz eta arrazoiez hornituta omendu zuen Amurrioko Udalak eta Musika Eskolak Diego Martin Etxeberria. Orkestra zuzendariak sari garrantzitsuak bildu ditu nazioartean. Musika ikasketak bere sorterrian abiatu zituen; Amurrio-Gasteiz-Bartzelona-Berlin, horratx bere ikasketa bidai partikularra. Txalo eta laudorioek, kontrako bidea. Nazioarteko sariak lehenik, ondoren Gasteizen pregoilari eta azkenik, herrikideen aitorpena.

Ekitaldia EMUSIK jaialdiarekin bat burutu zen, Amurrio 59 egoitzetako bat zela probestuz. Kontestu indartsua eta ordezkaritza neurrikoa ere: Josune Irabien alkatea eta Musika Eskolako Fundazioko lehendakari Monserrat Canive eta Pedro Bazterra zuzendaria. Ekitaldi zaindua eta hedabideetan oihartzuna.

Uztailak 8

Musika Eskolako Juntaren ohiko batzarra. Gai-ordenaren azken puntuan oso bestelako kontua: langile baten kaleratzea, oboe eskolak eskaintzatik ezabatuz. Kaleratzearen alde bi alderdi eta fundazioko lehendakaria, kontra beste bi alderdi eta abstentzioa zuzendariak. Kaleratzeari baiezkoa beraz. Fokorik gabe, titularrik gabe. Lana sortzea gauza polita baita, deuseztea ez horrenbeste. Formak ere aipatzekoak. Kaleratzear zen irakaslea informatu gabe, jada matrikulatuak ziren ikasleak informatu gabe. Musika Eskolako klaustroak irailean jakingo zuen 19 urtez lankide izandakoaren patua, norberak lekarkeena atalean.

Diegok oboea ikasi zuen Amurrion. Txalotu zuten berberek, beste Diegorik ez dute nahi. Hala ote? Bi gertakariok lotuz, galdera-erantzunak parrastan.

Post

Kaleratzea ekidin zitekeen, araurik aldatu gabe, nahikoa zen inplikatuak aurretik informatzea; kaleratzea ondorio baino helburu, beraz.

Krisiaren abaroan, bi lanpostu gutxiago jada, 16 langileko lan-talde batean. Aurrekontu eta langile kopuru aldetik, Udaleko organismo autonomo garrantzitsuena da Musika Eskola.

Lotura egina, zein da norabidea?

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide