aiaraldea.eus

Estrasburgoko Epaitegian helegitea jartzeko erabiliko dute biharko kontzertuan lortutako dirua

Erabiltzailearen aurpegia Endika Arribas   Politika
Estrasburgoko Epaitegian helegitea jartzeko erabiliko dute biharko kontzertuan lortutako dirua

Ceivar Galizako errepresioaren kontrako taldeak hainbat euskal herritarren laguntzaz antolatutako elkartasun kontzertua egingo da bihar Aretako frontoian.

Ceivar Galizako errepresioaren kontrako taldeak hainbat euskal herritarren laguntzaz antolatutako elkartasun kontzertua egingo da bihar Aretako frontoian.

Antolatzaileen helburua da azkenaldian atxilotutako “Resistencia Galega” taldeko kideen aldeko dirua lortzea. Diru horrekin Estrasburgoko Epaitegian helegitea aurkeztu nahi du Ceivarrek, antolakundearen ustez gehiegizko kartzela zigorrak ezarri baitizkiete Galizako militanteei.

Euskal preso politikoei ere elkartasuna aldarrikatzeko tartea egongo da. Aiaraldeko presoak diren Aletxu Zobaran eta Alaitz Aramanediri hain zuzen.

Galizako mugimendu independentistak adierazpen eta eskubide askatasun urraketa ugari izan dituela salatu du. Mugimenduaren ustez estatuak eragindako eskubide urraketen kontrako mugimendu indartu egin zenean errepresioa areagotu eta gogortu zen.

Galizar askok kartzela ezagutu dute, azken urteetan 50 bat inguru, Entzutegi Nazionalak horrela aginduta. Hori dela eta, Ceivar taldea sortu zuten 2003. urtean babes juridiko eta legala emateko.

Kontzertuan joko duten taldeak hurrengoak dira: Gatillazo, Josetxu Piperrak, Kañeria 13, Ultimos Reyes, Keltoi eta Liska. Emanaldia 20:00etan hasiko da Aretako pilotalekuan.

Ikusi argazki guztiak handiago

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa