10 sari banatuko ditu aiaraldea.com-en udako argazki-postal lehiaketak

Erabiltzailearen aurpegia Erredakzioa  Aiaraldea

10 sari banatuko ditu aiaraldea.com-en udako argazki-postal lehiaketak

Udako argazki postalen lehiaketa abian da. Aurten, laugarren aldiz antolatu du Aiaraldea Komunikazio Leihoak udako irudiak biltzen dituen lehiaketa. Horretarako, atari berezia ere prestatu dute: http://udakoargazkiak2013.aiaraldea.com/ . Bertan, jasotako argazki guztiak ikusi eta bozkatzeko aukera egongo da.

250 parte hartzailetik gora Burdin Hesia mendi lasterketaren lehen edizioan

Erabiltzailearen aurpegia Erredakzioa  Aiaraldea

  250 parte hartzailetik gora Burdin Hesia mendi lasterketaren lehen edizioan

EH Kirolak idatzitako kronika eta argazkiak:

Joseba Urbano gizonezkoetan eta Inma Ruiz emakumezkoetan izan ziren azkarrenak Bilbotik Laudiorako bidea egiten

250tik gora gizon eta emakume bildu ziren goizeko 9etan Bilboko Arriagan, Burdin Hesiaren ibilbidea jarraituz, Laudiorainoko bidea egiteko. 25 km-ko mendi arteko bidea izan zuten aurretik, Pagasarri, Ganekogorta eta Goikogabe bezalako tontorretatik igaroz.

Lepahoria eta pinus radiataren baso-landaketak

Erabiltzailearen aurpegia Erredakzioa  Aiaraldea

Lepahoria eta pinus radiataren baso-landaketak

Naturayala blogak ugaztunen Aiaraldeko ugaztun bitxi batzuen inguruko sarrera egin du:

Lepahoria (Martes martes) batez ere gauean mugitzen den haragijale txikia da: Altubeko pagadi honetan nagusi den lasaitasunak honako argazkia hauek eguerdian ateratzea ahalbidetu du. Udaberrian izan zen, emeak kumeen hazkuntzaz arduratzen diren garaian, hain zuzen.

Tubos Reunidos enpresan piztutako sutea ez da guztiz itzali

Erabiltzailearen aurpegia Erredakzioa  Amurrio

Tubos Reunidos enpresan piztutako sutea ez da guztiz itzali

Atzo 22:30ean piztu zen sutea Amurrioko Tubos Reunidos enpresan. Aiara eta Gasteizko suhiltzaileak eta Ertzaintza bertaratu dira sutea itzaltzeko eta 05:30 kontrolpean zuten.

Istripua txatarra biltegian hasi da eta tona batzuk erre dira suhiltzaileek adierazi dutenez. Hori izan da kalte garrantzitsuena, zauriturik ez baita egon.

Sexu-erasoen biktimek eta adingabekoek laguntza psikologikoa jasotzeko aukera izango dute

Erabiltzailearen aurpegia Erredakzioa  Aiaraldea

Sexu-erasoen biktimek eta adingabekoek laguntza psikologikoa jasotzeko aukera izango dute

Ugaoko Udalak tratu txarren edo sexu-erasoen biktima diren emakumeei eta adingabekoei laguntza psikologikoa eskainiko duen bulegoa ireki berri du. Zerbitzu honetaz Ugao, Arrankudiaga, Arrigorriaga, Arakaldo, Orozko, Zaratamo eta Zeberio udalerrietako biktimak baliatu ahal izango dira. Izan ere, udalerri hauek partekatzen duten oinarrizko gizarte zerbitzuaren bulegoak kudeatuko du zerbitzu berri hau.

Asunek gordetzen dutena

Erabiltzailearen aurpegia Erredakzioa  Aiara

Asunek gordetzen dutena

Patxik, Naturayala blogeko kideak, beste sarrera bat idatzi du:

"Belardiaren ertzean, ongarri piloaren ondoan asun mordo bat ageri da. Baratza aldera noan bakoitzean ondotik pasatzen naiz eta begirada bat botatzen diot. A zer sasoia erakusten duten landare txar hauek! Hobe nuke piper eta tomateek asunek erakusten duten indarrez haziko balira... Gehiegi ugaritzen direnean, errotik ateratzen saiatzen naiz. Badakit ordea hilabete batzuen bueltan berriz hor agertuko zaizkidala, bere errizomen indarrak bultzaturik.

Jolas Txokoak programan izena emateko epea zabalik dago

Erabiltzailearen aurpegia Erredakzioa  Artziniega

Jolas Txokoak programan izena emateko epea zabalik dago

Artziniegako Udalak Jolas Txokoak antolatu ditu berriro eta aurten aldaketa garrantzitsua egin du; umeek nahiago duten asteetan zehar soilik parte hartu dezakete.

Jolas Txokoak programaren bitartez haurrek ekintza ugariz eta euskaraz gozatzeko aukera izango dute. Kirolak, abenturak, uretako joladak, eskulanak, jolas ludikoak... egingo dira uztailean Artziniegan, goizeko 10:00etatik eguerdiko 14:00etara.

Araba Euskarazen jarraipen berezia egingo du aiaraldea.com-ek

Erabiltzailearen aurpegia Erredakzioa   Euskara  Amurrio

Araba Euskarazen jarraipen berezia egingo du aiaraldea.com-ek

Iganden honetan Amurrion egingo den Araba Euskaraz jaialdiko jarraipen berezia egingo du Aiaraldea Komunikazio Leihoak. Goizeko 10:00etatik 19:00etara formatu ezberdinetan hedatuko du ikastolen aldeko festan gertatzen ari dena. Bideoak, albisteak, argazki bildumak, twitter bidez zuzeneko kontakizuna,  irratsaioa... zabalduko da sarean.

Zuzeneko irratsaioa

Mediterranear landaretza Aiaran

Erabiltzailearen aurpegia Erredakzioa  Aiaraldea

Mediterranear landaretza Aiaran

Naturayala blogak Aiaraldeko landaretzaren inguruko beste sarrera bat argitaratu du:

"Gorobel mendizerratik iparralderuntz jeisten diren erreka eta ibaiak karearri gogor multzo betekin topatzen dira, “Garateko karearriak” deitua. Multzo honek Saratxo gaineko Burubio menditik Erretes Tudelakoa gainean altxatzen den Montenegroraino doan mendixka lerroa osatzen du, tartean Babio, Peregaña eta Zaballa hartzen dituelarik.

SAIA baimenako ikerketa sismikoak hasi dira

Erabiltzailearen aurpegia Erredakzioa  Orozko

SAIA baimenako ikerketa sismikoak hasi dira

Orozkoko Ibarra auzoan SAIA baimenarekin harremana duten ikerketa sismikoak hasi dira. Geofonoak ikusi daitezke errepidearen ertzean. Aste honetan hasi dira kamioi bibragailuak uhinak igortzen eta geofonoen bitartez horien emaitzak jasotzea dute helburu SHESA-k -Sociedad de Hidrocarburos de Euskadik, ikerketa agindu duen erakundea- zein TESLA-k, frogak egiten dituen enpresak.