Hasi dira Maestro Elorza eta tren geltoki inguruko lanak

Erabiltzailearen aurpegia Erredakzioa  Laudio

Hasi dira Maestro Elorza eta tren geltoki inguruko lanak

Gaur goizean abiatu dituzte Maestro Elorza Kaleko saneamendua, tren geltokiko irisgarritasuna eta Latiorroko tunelaren zabalera -2 metrotik 7,5 metrotara- hobetuko dituzten lanak.

Momentuz hiru zuhaitz moztuko dituzte inguruak egokitzeko eta lehen faseari ekingo diote. Horretan saneamendu sareak hobetuko dituzte tren geltokiaren plazaren ingurutan. Horretan arituko dira abendua heldu arte. Kanalizazioak egin eta itxi beharko dituzte eta hurrengo fasetan Maestro Elorza eta Zubiko Kurajon gauza bera egingo dute.

Landa eremuko emakumeen sarearen topaketak

Erabiltzailearen aurpegia Erredakzioa  Laudio

Solastiar eta Avillo elkarteen laguntzari esker Landa eremuko emakumeen sarearen topaketak egin dituzte larunbatean Laudion. Izaskun Landaida Emakundeko zuzendaria eta Marta Alaña Foru Aldundiko ordezkaria zein Natxo Urkixo alkateak parte hartu zuten irekieran. Untzueta Dantza Taldeak ere bere ekarpena egin zuen. Anna Freixas-ek hitzaldia eskaini zuen.

Argazkiak: Aitor Burgoa

Ustelkeriaren aurkako neurriak eskatuko ditu PSE-EEk

Erabiltzailearen aurpegia Erredakzioa  Laudio

Ustelkeriaren aurkako neurriak eskatuko ditu PSE-EEk

Laudion egingo den hurrengo Udal Osoko Bilkuran ustelkeriaren aurkako mozioa aurkeztuko du PSE-EE alderdiak. Talde sozialistaren ustez ustelkeria kasuak ugaritu dira eta herritarren konfiantza berreskuratzeko zenbait neurri hartzea beharrezkoa da.

Hasteko, sozialistek udalean kode etikoa garatzea eskatuko dute. Legealdia bukatu baino lehen egon beharko litzateke kodea eta egungo ordezkariek zein hurrengoek sinatu beharko lukete.

Horrez gain, PSE-EEk eskatuko du sei hilero argitaratzea zenbat diru kobratzen duten zinegotzi zein izendapen askeko ordezkariek, dietak barne.

Emakundeko zuzendariak irekiko ditu Arabako nekazal emakumeen Sarearen 16. topaketak bihar

Erabiltzailearen aurpegia Erredakzioa  Laudio

Emakundeko zuzendariak irekiko ditu Arabako nekazal emakumeen Sarearen 16. topaketak bihar

Izaskun Landaida Emakundeko zuzendariak parte hartuko du bihar Laudioko Kultur Etxean egingo diren Arabako nekazal emakumeen Sarearen 16. topaketetan.

Laudioko Alkatea Natxo Urkixo, Marta Alaña Arabako Foru Aldundiko sailburua eta Maria Jesus Aretxederra ere izango dira ekitaldian. 10:15ean abiatuko dira topaketak.

"Zolloko jaiak oso parte-hartzaileak dira"

Erabiltzailearen aurpegia Erredakzioa  Arrankudiaga-Zollo

"Zolloko jaiak oso parte-hartzaileak dira"

GARAZI ABRISKETA (Zollo, 1988) herriko jaien antolakuntzan murgilduta dago eta hasi diren ospakizunen inguruan mintzatu da. Egin dituzten aldaketak aipatu eta jaien izaera azaldu du.

Nahiz eta Zollo herri txikia izan anbizio handiko egitaraua prestatu duzue.

Azken urteotan erabilitako eredu bera jarraituz egin ditugu aurtengo jaiak. Nahiko ondo funtzionatu du eta adin guztien nahiak edo interesak asetzen dituela uste dugu.

Aldaketa batzuk ere txertatu ditugu, larunbatean adibidez.

Xynthia zikloiak eragindako kalteak konpontzeko basoberritzeari ekingo diote

Erabiltzailearen aurpegia Erredakzioa  Amurrio

Xynthia zikloiak eragindako kalteak konpontzeko basoberritzeari ekingo diote

Amurrioko Udalak basoekin harremana duten hainbat ekimen abiatuko ditu. Hasteko, duela urte batzuk, 2010ean hain zuzen, jazotako haizeteak eragindako kalteak guztiz konpontzeko hainbat basoberritze egingo ditu. Udalerriaren gune ezberdinetan gauzatuko dute.

Turismo arduratsu eta jasangarria bultzatuko du Aiarako Koadrilak

Erabiltzailearen aurpegia Erredakzioa  Aiaraldea

Turismo arduratsu eta jasangarria bultzatuko du Aiarako Koadrilak

Aiarako Koadrilak turismo arduratsua eta jasangarria sustatu nahi du eskualdean. Arabako Foru Aldundiak herrialdeko 7 koadrilekin kontzeptu horretan sakondu nahi du eta laster 3 tailer praktiko deituko ditu Aiaran.

Asmoa da turismo arduratsu eta jasangarriaren irizpideak jarraitzea sektorearen garapena ziurtatzeko.

Atzo bilera egin zuten eskualdeko hainbat eragilek -ekoizleak, landetxe jabeak, teknikariak, Aiara, Okondo eta Laudioko alkateak, Eder Sanchez Aiaratur erakundeko lehendakaria- Agrotravel enpresako ordezkari batekin, Arespalditzako udaletxean.

"Anbulantziakoak bi gorpu jasotzeko etorri ziren baina gu osorik eta ongi geunden"

Erabiltzailearen aurpegia Erredakzioa  Laudio

"Anbulantziakoak bi gorpu jasotzeko etorri ziren baina gu osorik eta ongi geunden"

KIMETZ ELEJALDEk (Laudio, 1980) auto-istripu larria izan zuen pasa den ostiralean Gipuzkoan.

Badator laugarren Udazkeneko Multimedia Eskola

Erabiltzailearen aurpegia Erredakzioa  Aiaraldea

Badator laugarren Udazkeneko Multimedia Eskola

Aiaraldea Komunikazio Leihoak Udazkeneko Multimedia Eskolak antolatu ditu laugarrenez. Helburua komunikazio tresnen inguruko formakuntza eskaintzea da, puntako teknologiak ematen dituen aukerak norbanako, elkarte edo interesa duenari euskaraz ezagutaraziz. Horretarako Basalarrina euskaldunen topagunearekin elkarlanean ekitaldi ezberdinak prestatu dituzte.