Aiarako euskararen egunen 2014ko egitaraua kaleratu dute. Bertan, hainbat ekintza prestatu dituzte hurrengo asteburu osoan zehar banatuta. Urriak 17an Luiaondon, 18an Arespalditzan eta 19an Lantenon.
Ostiralean, 18:30ean Berbalagun programaren aurkezpen jaia izango da eta 19.30ean kirolak familian ekintzak egongo dira. Berbalagun, euskara sustatzeko abian dagoen egitasmoa da. EsLockedkualde osoan zehar dago eskura, eta ikasleentzat, euskaldunentzat eta euskaraz ez dakitenentzat bideratuta dago. Hitz egitea eskaintzeaz aparte, kultur agenda bat gauzatzen du, ikastaro, txango edota errezitaldiekin.
Programarekin jarraituz, larunbatean, 18:30ean Aiarako Topaketa egongo da, geroago kalejira, bertso saioaz jarraiturik eta amaitzeko txokolatea eskainiko dute. Asteburuarekin amaitzeko, igandean arratsaldeko bostetan pailazoak egongo dira, askariaz jarraituak eta azkenik, eskulan-tailerra.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
