Urriaren 5ean eta 6an ospatuko dira Belandiako jaiak

Erabiltzailearen aurpegia

Belandiako festak urriko lehenengo igandean izaten dira, eta, aurten, egun biko egitaraua prestatu dute jende ororentzat. Kanpai-hotsekin eta bolanderekin hasiko dira ospakizunak urriaren 5ean, 12:00etan. Ondoren, 12:30ean, meza nagusia egongo da Errosarioko Amaren omenez.

Belandiako festak urriko lehenengo igandean izaten dira, eta, aurten, egun biko egitaraua prestatu dute jende ororentzat. Kanpai-hotsekin eta bolanderekin hasiko dira ospakizunak urriaren 5ean, 12:00etan. Ondoren, 12:30ean, meza nagusia egongo da Errosarioko Amaren omenez.

Gastronomiak leku berezia izango du, patata-tortillak ez ezik, etxeko tartarik onenak ere sarituko baitira. Gainera, txakolina eta odolosteak dastatzeko aukera egongo da. 12:00etan, patata-tortilla lehiaketari hasiera emango zaio. Antolatzaileek patatak, arrautzak eta tipula bana emango dizkiete parte hartzaileei; olioa, zartagina, su txikia eta bestelako materiala, aldiz, norberak eraman beharko du. Hiru sari banatuko dira: lehenengoak 100 € jasoko ditu, bigarrenak 75 €, eta hirugarrenak 50 €. Bestalde, tartak 13:00etan aurkeztuko dira, eta lehenengo biek jasoko dute saria, 50 € eta 25 €, hurrenez hurren.

Biharamunean, goizeko 8:00etan, diana eta kalejira egingo dira. Meza eguerdiko 12:00etan izango da, eta arimen omenezko zozketa, 13:30ean.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide