Artziniegako museoan antzinako bizitza nolakoa zen ikasteko aukera eskainiko dute azaroaren 10ean. Ez edonola, gainera. Izan ere, museo etnografikoaren baitan artisau ezberdinak kokatuko dira haien lana azaldu eta erakusteko.
Ekitaldia urtero egiten dute eta harrera handia izaten du. Artea etnografia elkartekoen hitzetan, ehun lagun inguru hurbiltzen dira.
Bisita gidatuak 11:00etatik 14:00etara egingo dituzte.Artea elkarte etnografikoaren bidez, urte osoan zehar mendeetan atzera egin eta artziniegarren bizitza nolakoa zen isladatzen du eraikinak.Azaldu dutenez, helburua belaunaldi ezberdinei antzinako bizitza eta baliabideak nolakoak ziren transmititzea da.
Antzinako etxeak eta bizimodua
Bisita gidatuetan hamazazpi gelatan ezberdinetan ofizio eta prozesu ezberdinak azaltzen dituzte. Lehenengo gelan, esaterako, ehungintza nola egiten zen kontatzen dute: “Artileak, oihalak... daude. Txakolina, sagardoa... nola egiten zen ere erakusten dugu”. Baita okinaren, arotzaren edo bestelako lanbideen jarduera ere.Medikuntza ogibideari dagokion eremuan, sendabelarrek izan duten garrantzia adierazten dute. Nekazaritzaren zatian, berriz, garia, artoa... nola jorratzen den.Beste bitxikerietako bat duela urte batzuk sukaldea nolakoa zen ikusteko duten gela da. Izan ere, garaiko tresneria gordeta dute bertan. Bertaratzerik ez dutenek webgunearen bitartez bisita birtualki egin dezakete.Artziniegan Artea etnografiak lan handia egin izan du antzinako lanbideak berreskuratzeko. Horren adibide da, apirilaren inguruan antolatzen duten “Herri oratzea”. Bertan, ogia nola egiten zen erakusteaz gain sukaldari lanean jartzen dituzte ume zein helduak.Azaroaren 23an txarriboda egingo dute. Besteak beste, txarriboda nola egiten zen azaldu, eta dastaketa egingo dute.