Bihar 49 ½ Sketchcrawleko marrazkilariek beteko dituzte herriko kaleak

Erabiltzailearen aurpegia Irati Moreno 2015ko aza. 12a, 19:48

Biharko Euskalherria´s Sketchcrawl taldeak 49 ½ Sketchcrawla antolatu du Amurrion.

Larunbatean Euskalherria´s Sketchcrawl taldeak 49 ½ Sketchcrawla antolatu du Amurrion.

Sketchcrawla mundu mailan egiten den deialdi bat da. Euskal Herriko txoko ezberdinetatik elkartutako marrazkilariek osatzen dute nazioarteko foruma.

Urtaro bakoitzean Sketchcrawl bana ospatzen da eta gero talde bakoitzak unean uneko deialdiak egiten ditu. Urrian bi izan ditu talde honek, Bergaran eta Lekeition.

Amurrioko deialdia Vicente Guillenek bultzatu du, Gorka Belaskori, taldeko partaidea eta Zaraobe institutuko plastika eta marrazketa irakasleari proposatuta. Atxubi tabernako kudeatzailea denez, hamaiketakoa eskainiko die bertaratzen diren marrazkilariei.

Euskalherria´s Sketchcrawl taldearen 5. urteurrenera. 2011an jarri zen abian, Ana García de Pablo eta Edurne Iriarte, Iruñeko bi marrazkilari eta Pili Azkarate bergararrari esker.

Erdiaren gakoa

Euskalherria´s Sketchcrawl taldearen momentuaren indarra erakusten du. Urtean egiten diren lau deialdiak txiki geratzen baitira Euskal Herriko txoko ezberdinetan agertzen diren proposamenak hartzeko.

Ordutegia

10:00 Amurrio

11:30 Atxubi Taberna. Hamaiketakoa eskeintzen digute.
14:30 Ruperto Jatetxea. 18 €

  • Indabak

  • Paella

  • Lebatza pla-pla

  • Buztana

  • Postre (goxua, flana, izozkia)

  • Ura, gaseosa, etxeko ardoa.

17:00 Likorearen Museora bisita gidatua, Amurrio Turismoak gonbidatuta.

19:00 Agurra.

Jendartea Amurrio

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide