aiaraldea.eus

Egin dezagun urtea on!

Erabiltzailearen aurpegia Izaskun Garcia   Iritzia

Aitortu beharra dago 2014a batzuentzat urte oparoa izan dela, kapitalari galde diezaiotela bestela; IBEX 35ak 14.900 milioiko irabaziak izan ditu lehen sei hilabeteetan eta espainiar bankuaren irabaziak 7.449 milioira iritsi dira.

Jendartearen gehiengoari erreparatuz,, ordea, 2014a gogorra izan da, desberdintasunak gehiago areagotu baitira.

Lanik gabe daudenen %53,7ak ez du langabezi prestaziorik jasotzen, eta lana izateak ez ditu bizi baldintza duin batzuk bermatzen.

Horrela, EAEn %41 handitu da pobrezian izateko arriskua, eta %71 Nafarroan. Honen aurrean, pobreziari aurre egingo dion plan estrategiko bat artikulatu beharrean, prestazioen kontrako eraso mediatiko, politiko eta sozial oso bat martxan jarri dute.

2014a ondorioz, langile eta herritarrentzat urte kaskarra izan da eta 2015a bide berdinetik joango da gure eskubide eta premiak instituzioen esku uzten baditugu.

Agintari politikoek 2015erako kimu berdeak saltzen badizkigute ere, iruzur berri baten aurrean gaude. Mobilizazio soziala da gakoa, gure eskubideak benetan bermatuko dituzten politikak egitera behartu behar ditugu instituzioak.

2015a hauteskunde zikloa izanik, Euskal Herrian akordio sozial zabal baten bidez eraikitako karta soziala eskutan instituzio guztiak interpelatzeko aukera paregabea dugu.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa