Orozkoko udalak jakinarazi duenez, azken urteetan ustiatu diren 50 hektarea konifera 45 bat baso hostozabal bilakatuko dituzte.
Esan bezala, azken urteetan erabilera publikoko zenbait mendi ustiatu dira; 50 hektarea gutxi gorabehera. Horietako zenbait, 5 hektarea, koniferoen ustiaketarako erabiltzen jarraituko dituzte, baina gainontzeko azaleraren aprobetxamendua aldatuko da.
Katxabazo-Larraluze eremuan
Landatze berri horiek Gorbeiako parke naturalaren barnean kokatua dagoen Katxabazo-Larraluze erabilera publikoko mendian ari dira abiatzen.
Udalak adierazi duenez erabilera publikoko mendien erabilera politika aldatzen joan beharko litzateke, dibertsitatearen eta gure mendien onurarako, eta noski parke natural bat delako. Helburu horretarako udalak hazkunde geldoko espezieak aukeratuko ditu.
Haritzak eta ametsak, besteak beste
Era naturalean haritzak, ametsak eta abar bezalako zuhaitz autoktonoak hazten ari dira. Koniferoak espezie autoktonoen altuerako hazkundea indartzeko bakarrik ereingo dira. Koniferoak landatutako espezien arteko konpetentzia indartzen du eta era horretan zuhaitz mota horien hazkundea ahalbidetuko du.
Bestalde, malda gutxiko lekuetan, haritz autoktonoa ereiten ari da 10 metroko distantziara, gerizpean dauden larreak lortzeko helburuz.
Prozesu guztia gure mendietako espezieen arteko oreka lortzeko ari da gauzatzen udala eta udalerriko Agenda 21 prozesuaren ekintza barruan dago.